عايز اصارحها عشان اعرف اتقدملها

[size=24]

عايز اصارحها عشان اعرف اتقدملها

بسم الله الرحمن الرحيم

انا معجب ببنت معايا فى الكليه هى بنت بجد عمرى عمرى ما شفت أجمل منها من
حيث الأخلاق والأدب والشكل وكل حاجه
بتمشى مع نفسها كدا وفى حالها ولا بتبص حتى على حد او تحاول تتكلم معاه
فطبيعى ان دى حاجات تخلى اى ولد يعجب بيها
فقدرت اعرف هى منين بالظبط واعرف اسمها وحاولت اجمع اى معلومات بنفسى عن
البنت دى
وانا مش من النوع اللى بيحب يعاكس او يحب بنات كتيره او يعلق حد ويسيبه
انا عايز الموضوع جد من الأخر ويبقى فى ارتباط
فقمت راجع البيت من كام يوم بعد ماكنت فى الكليه بمتحن
وقلت لوالدى الأمر حصل كذا كذا , وعايزك تجاوبنى بصراحه بحيث اقتنع بكلامك
اوى , وانا اول مره اكلمك فى حاجه زى دى بس انا مليش حد اكلم معاه غيرك ومش
عيب لكا اجى اصارحك
قام قالى انت حالياً لسه فى سنه تانيه لو روحت اتقدمت هنترفض بدون نقاش
لأنك لسه فى سنه تانيه على الاقل خليها سنه رابعه تبقى خلاص قربت تخلص
والشقه بتعتك تكون خلصت ( وعلى فكرة الحمدلله شغلى جاهز يعنى ان شاء الله
بعد التخرج وشغل الحمد لله رب العالمين كويس اوووى )
ومستوانا المادى تمام الحمد لله
فأنا حبيت فى الماده اللى بعدها اللى هى كانت النهارده انى اكلمها واقلها
انى معجب بيها واحكلها على اللى حصل مع والدى
بحيث تعرف انى بحبها وناوى بجد ارتبط بيها
بس روحت هناك وفكرت تانى وقلت بلاش وهى لو من نصيبى اكيد هتبقى ليا حتى لو
بعد 100 سنه !
وان بصراحه مفيش اى حاجه اقدر اضمن بيها انها توافق عليا
منها مش معجبه بيا لأنها ملتزمه + انا مش فى رابعه عشان هتقدم تانى يوم
مثلاً
فقلت هقلها ايه ان شاء الله ؟ استنينى سنه ونص ؟
قلت لنفسى اعمل اللى عليك والباقى على ربنا والبنات بتحب الجراءه وانا قصدى
شريف كمان
بس خفت اوى , مش حابب حد يقلل مني بأنها تمشى وتسبنى وانا بكلمها او
تفتكرنى اهبل ومجنون
فياريت حد يقولى اعمل ايه بس كلمونى على اساس اننا اخوات بلاش الأراء اللى
بتخلى الواحد يضايق ويندم انه نزل مشكلته
زى ما قلت انا ( مرتاح مادياً الحمد لله , وشغلى جاهز الحمد لله , واهلى
ناس كويسين اوى ) بس المشكلة انى فى سنه تانيه وشقتى هتخلص لما اكون فى
رابعه ان شاء الله , لأن اللى بيتقدم بيسألوه عن الشقه فلازم اقلهم وقتها
انها جاهزه مش باقى غير مرحله الجيش مش اكتر

اعمل ايه ؟

خايف تضيع مني وتتخطب وياريت تقدروا انها ملتزمه فصعب اعبر عن اى حاجه , دى
مش بتقف حتى فى اى مكان عشان الفت انتباها او اروح اكلمها
البنات اللى معانا هنا ياريت يقولوا رأيهم بما انهم بنات زيها
اكلمها ولا انسى الموضوع دا لأنه صعب ؟؟
ومعلش انى اتكلمت كتير بس كان نفسى اكلم واقول كل حاجه عشان ردودكم تبقى
مقنعه ليا
2/ ولا اسيب الموضوع ولو فى نصيب اكلمها فى رابعه واعرف مكانها بالظبط
واتقدملها ؟

1/ اكلمها عشان الفت انتباها ؟ بحيث انها ممكن لما ابدأ اكلمها تحبنى
وتستنانى ؟

//

أنصحك تكلمها و تصاريحها انك عايز تتقدملها ولو مبدئيا وافقك أدخل البيت من بابه

تقبل مروري

» ممكن تقراء عشان دة مخصوص من الدنيا
» عايز تتعلم السحر ......... ادخل هنا؟؟؟
» اعرف اصلك ونسلك
» لغز جديد للحل - عايز تملأ الاوتوبيس
» اعرف علتك من لسانك

عايز اصارحها عشان اعرف اتقدملها

عايز اصارحها عشان اعرف اتقدملها

مواضيع مماثلة

مواضيع مماثلة