ازيكم يابنات عندي ليكم خطه انما ايه .. هتجربوها وتدعولي انشاالله..

ازاي تطفشي عريس انتي مش عايزاه .. واهلك عايزينه ؟؟؟!!!ش

بسم الله نخش ف الموضــــــــــــــوع ..

1- متظهريش لأهلك عدم الرضا ... (عشان تعرفي تكملي الخطة)..

2- اهم حاجة فى الخطة من يوم ما تسمعي عن العريس لحد ما ييجي

ماتنسيش تفرمي بصل كتير ولو في ثوم خيييير و بركة ..
(ع اساس انك بتساعدي ماما ما حدش هيقول حاجة)..

3- طبعا النهاردة اهل العريس عايزين ييجو يشوفو (قمر الزمان) عشان كدا قمر الزمان
لازم تفضل نايمة لقبل المعاد بساعة (عشان وشها يستريح وما يبانش انه تعبان) وكدا بتكوني

ضيعتي على اهلك فرصة انهم يكشفوكي ..

4-اهل العريس (ابو الشباب) جم... سلمي على امه بكل برود واعملي نفسك قرفانة و شايفة نفسك..

بعدها اجري على أوضتكـ ... عشان تظبطي نفسكـ امال .. مش انتى لسة صاحية من النوم..

و يلا

نعرف خطوات احلى ميك اب لاحلى مناسبة مناسبة : -


الكحل : الكحل جميل جدا على العيون ... اتكحلي ... بس خلي الكحل بعين اكتر من التانية

وكدا بتضمني تكوني..(حولة رسمي)..


كريم الاساس: اكيد عايزين كريم اساس بس على الشفايف

كدا يبان كان عندك فقر دم ..ياعيني مسكينهـ ..

الشادو : طبعا الشادو هو اللي بيخبي البلاوي ...وهو اللي بيبين البلاوي

الشادو الاسود على العيون و ثقلييييييييه مع شادو اصفر على وشك بدل (البلاشر )..

وكداااااااااا يبقى عندك كوليرا وبلهاريسيارسمى فهمي نظمي..

و لازم تلبسي احلى موديل :جيبة( تنورة) خضرا (لون الخيار ) و بلوزة حمرا (لون الحب)

يعني م الاخر جو شم النسيـــــــــــــــــــم دا..


و البسي طرحة من سنة الف و تسعمية و ستة وخمسين و السابو خشبه من العصر الحجري ..

توووووووحفـــــــــــــة ..

5- روحي عالمطبخ عشان تأخدي القهوة .. بس اوعي أمكـ تاخد بالها من العكـ اللي انتي عاملاه..


6- امشي بكل ثقة الى غرفة الضيوف ..

(كل ما تكون ثقتك بنفسك اكتر تباني انك خبيرة في الأمور دي)

وكدا.. الفار يلعب بعب ابو العريس ويسأل نفسه مدام هى خبيرة كدا ليه اللي قبلنا طفشو؟!!!

(بس الفار فى عب الاب مش كفايه... لازم يلعبلو شويه بعب العريس ) ..

امسكي القهوة ... بصي بعيونه...واحولي عينيكي..

(المسكين بيكون وقع م الصدمه ....من اول نظرة )..

هو طبعا من شدة الصدمة هينسى القهوة وطعمها المريب (بالشطه الحاره وزيت الخروع)..

طبعا سيبي الرجالة يتكلمو في المهم .... اماااااااااااااااااااال ..

ارجعي لام العريس اللي عايزة تشوف جمال شعركـ ..

المرة دي مش هنعمل مقلب ... خليه حلو مافيش مشكلة ... سشوريه و زبطيه)

(بــــس ..اقعدي اهرشي و اهرشي و اهرشي قدامها)..

تخيلي انه في حديقة حيوانات في راسك ..

ههههههههههههههههههههههههه مسكينة طنط....(ام العريس)..

اذا نفذتي الخطوات مية مية أأكدلك .. هتسمعي كلمة : " يا الله "

وتسمعي صوت أبوكي..

بيقول للجماعة " شرفتونا" ..

لانه الضيوف عايزين يفلسعو قبل ما يتدبسو ببلوة منيلة بستين نيله ..

وبكده يبقي هيه هيه هيه العريس طفففففففففش..

هــــــــــــــا ايه الأخبــــــــار .... تنفع ؟؟؟

أكييييييييد ..

جربوا وادعولي

حرام عليكي يا بنتي

هتخلي كل البنات تبقي عوانس

بس خطه دهيا

انتى جربتيها ولا اية
ههههههههههههههههههه

لالا يااخويا انا مجربتش بس الحمدالله هو عجبوه الاستايل بااى حال ومبسوط وبيموت فييا موووووووووت
اطلع انت منها يا ابن النيل

بصراحة حاجة اخر اياااااااااااااامة يعينى على الشياكة دى مش

عروسة لعريس دى عروسة مولد وعفى عليها الزمن ولو العرايس كده او بالتفكير ده يبقى بلاش الجواز من اساسه والواحد ينفد بجلده والجرى هنا مش نص الجدعنة ده يبقى الجدعنة كلها وكمان شوية عليها

ليه يا بنتي كده هتعقدي البنات من الجواز؟ ما ربنا قادر يرزقك بشاب صايع يوريكي النجوم في عز الظهر.

وساعتها هو اللي هعيمليك فيها عبيط

هههههههههههههه

انت عارف كل مواضيعي هنا هزار


شكرا لمرورك