|
| كاتب الموضوع | رسالة |
|---|
دوشه
عضو فعال
بلدي : 
الجنس : 
نقاط : 5675
عدد المساهمات : 307
 |  موضوع: زملكاوية اصيلة جديد لانج  الإثنين مارس 14, 2011 2:31 am | |
| 
طبعا الصورة اللى فوق دى للضحك فقط
يعنى محدش يدخل يتريق
انا بس اللى اقول انتوا كلكم يا اهلاوية مش قول
انا زملكاوية و فرحانة و فخورة كمان بالعند فيكم انى كده
فريقى يا ناس و بحبه
صحيح انا ما دخلتش النادى قبل كده و لا معلقة علم الزمالك فى اوضتى
ده انا حتى عمرى ما حضرت ماتش فى الاستاد
بس بحبه
و بفرح جدا لما بنكسب
و بابقى فى منتهى الحزن يوم ما نخسر
و علشان محدش يفكر انى واحده ساذجة و يجيى لى و النصاحة قاتلاه و يقولى برضه مش هاتاخدوا الدورى
هقوله يا عم الرخم احنا نحسنا خلاص
اه و ربنا
احنا مش لسه فايزين الماتش اللى فات
و مش انا ساعة الجول اللى جه فى الوقت البدل الضائع زغروطتى جابت اخر الشارع
بس برضه انا ذكية كفاية و خبرة سنين طويلة انى اعرف ان كل ده مش معناه اننا اخدنا الدورى و لا اننا بقينا نادى القرن و لا عملنا اللى ما اتعملش
بس انا بحب افرح
حتى لو كانت فرحة فى وقتها
فرحة بتيجى من الماتش للماتش
اهى فرحة و السلام و احسن من مفيش برضه
عموما ما تخرجونيش عن الموضوع
اللى عايزة اقوله انى فى الموضوع ده هاحكى على مواقف كتير اتحطيت فيها بسبب انى زملكاوية و بافتخر و ماشية اعلن ده لكل اللى اعرفه و اللى ما اعرفوش
يعنى لو كنت ماشى فى الشارع و لقيت انسة محترمة بتوقفك و تقولك عمو عمو انا زملكاوية ثق انك واقف قدام دوشة
انا بحب اعلن قدام الناس كلها انى كده
بعيد عنكم بحب انكش الناس و اجر شكلهم
المهم كل حلقة بموقف جديد
مرة فى الشغل مرة الشارع مرة مع الجيران مرااااااااات فى البيت
ذكريات كتير و ماتشات كتير
و هارجع و اقول كمان مرة انا مش هاحلل ماتشات ما انا مش علاء صادق قاعد معاكم فى القهوة
انا هانقل مشاعرى كزملكاوية
ساعات فرحانة و كتير طهقانة
استنوا معايا و نقول بسم الله الرحمن الرحيم و ننزل باول حلقة
نصفر و نشوط ركلة البداية
عدل سابقا من قبل دوشه في الإثنين مارس 14, 2011 2:36 am عدل 1 مرات |
|
  | |
عاشق بلدى
عضو نشط
بلدي : 
الجنس : 
نقاط : 5511
عدد المساهمات : 186
| | موضوع: رد: زملكاوية اصيلة جديد لانج الإثنين مارس 14, 2011 2:33 am | |
| المفروض تعنونى الموضوع
بمذكرات مؤلمه لزمالكويه اصليه
ربنا يصبركم وانا من هنا بناشد المشئولين يفتحوا لكم
مركز اعادة تاهيل للاندماج فى المجتمع
ومتخافيش التمويل موجود
هنفتح حساب للتبرعات |
|
| | |
دوشه
عضو فعال
بلدي :
الجنس :
نقاط : 5675
عدد المساهمات : 307
| | موضوع: رد: زملكاوية اصيلة جديد لانج الإثنين مارس 14, 2011 2:35 am | |
| و مين اللى قالك انها كانت مؤلمة ان شاء الله
بالعكس بقى انا بافتخر دائما و ابدا انى زملكاوية
و لو لم اكن زملكاوية لوددت ان اكون زملكاوية
و سلم لى على حسام البدرى اللى قدم استقالته
كان المفروض حسن حمدى يغنى له قالى الوداع قلت له نايس اوى انا كمان زهقت منك و من هبلك
قال بيقدم استقالته
انا لو منه كنت رميت نفسى فى النيل
و لا بلاش كلام على حد احنا قلنا الموضوع هنا جاست فور فان
JUST FOR FUN
اكتبها يمكن تنفعك
و اعادة التاهيل ده تبقى تشوفه لفريقك
تابع بقى و كفاية كلام على الناس |
|
| | |
دوشه
عضو فعال
بلدي :
الجنس :
نقاط : 5675
عدد المساهمات : 307
| | موضوع: رد: زملكاوية اصيلة جديد لانج الإثنين مارس 14, 2011 2:39 am | |
| البداية
اولا لازم تعرفوا ان اصعب حاجة على اى طفل انه يطلع فى بيت غير مستقر
صدقونى الموضوع ده عذاب
بيت فى انشقاقات و اختلافات
مفيش فيه اى لغة حوار مشتركة او اى قدر بسيط من التفاهم
للاسف ده كان بيتنا
تخيلوا معايا كده
طفلة بتفتح عينيها على زعيق و خناق و تهديدات بالطلاق
عايزين ايه من بيت فيه اب زملكاوى و ام ربنا يعفى عنها اهلاوية
اعمل انا ايه فى الجو ده
ازاى احدد هابقى فى صف مين
مين الظالم و مين المظلوم
بحب الاتنين و مش عايزة اخسرهم
بس الموضوع ده بالذات مفيهوش حل تالت
يا ابيض يا احمر
اللون البهتان بتاع الفراولة ام لبن ده ما نعرفوش
كان لازم اقول كلمتى
و لانى عارفة ان صوتى امانه فقررت اعطيه لمن يستحق
مشيت على الفطرة و لقيت قلبى بيهفهف مع العلم الابيض
الكورة تروح يمين قلبى يجرى وراها يمين
تيجى شمال يفط وراها شمال
تيجى فى العارضة احسها ضربت فى نافوجى
تدخل جول يبقى يا سعدى و يا هنايا
المهم
بما انى بنت ابويا فكان الطبيعى ان الصراع اللى جوايا يتحسم بدرى بدرى
و بقيت زملكاوية
و زى اى طفلة ابويا يقوم يهيص اهيص معاه
يقول جول
انا اجرى فى الشقة كلها
هيه هيه هيه جول جول
يزعق و يقول حكم مرتشى و قابض
اقوله هو مزعلك يا بابا يقولى اه
اخبط التليفزيون باى حاجة تيجى فى وشى
الله مش بينرفزوا ابويا و بعدين كنت خايفة عليه الراجل كان عنده السكر
المهم بقيت لازقة لابويا دايما فى كل ماتش
و بالتالى حبيت الزمالك
و لما ابتديت اكبر اكتر ابتدى حبى يكبر معايا
و سمعنى سلام حبك اصيل و كفاية انه اتولد جوايا يا زمالك يا قلبى يا حتة من كبدى
المهم
الموضوع ده عمل مشاكل بينى و بين ماما
بقت تتعمد تذاكر لى ساعة ماتش الزمالك
و انا ابدا دماغى و الف فردة بنى شمال من غير رباط انى اشوف الماتش
و طبعا بابتى فى صفى و تتحرق المذاكرة هى يعنى هاتطلع هدى شعراوى ما تسيبيها فى حالها
و بما اننا فى بيت الحكم فيه دائما و ابدا ذكورى كانت بتتحرق المذاكرة
الكارثة كلها كانت بتبقى فى ماتشات الاهلى مع الزمالك و خصوصا بعد ما اخويا اتولد حيث انه اتولد اهلاوى
ماما الله يسامحها بقى عملت للواد غسيل مخ من و هى بترضعه
طلع زيها بيحب النادى الاهلى هى تقريبا خافت تبقى اقلية و نطردها من الشقة فاخدت اخويا فى صفها
بس على مين انا صفى كان فيه الراس الكبيرة الله يرحمه
انا مش قادرة انسى يوم اول ماتش اهلى و زمالك بعد ما اخويا كبر شوية و ابتدى يعرف يشجع و طلع له حس و بقى بيزعق لما الكورة تطلع اوت
ساعتها البيت كان هايتخرب بجد و حقيقى
ده كان حتة يوم
نخليه بقى للحلقة الجاية ان شاء الله ......... |
|
| | |
اوعى تفهمني غلط
عضو نشط
بلدي :
الجنس :
نقاط : 5561
عدد المساهمات : 176
| | موضوع: رد: زملكاوية اصيلة جديد لانج الإثنين مارس 14, 2011 3:21 am | |
| بصى يادوشة بما اننى الصعيدى الوحيد اللى بيقولك من المفروض انه
الموضوع يكون بعد نهاية الدورى
علشان حتى تفرحى كويس لكن ايه يعنى لما تفرحى ماتش وتزعلى ماتش
ده مش حلو علشانيك ياخالتو
لكن اقولك كويس ان كل زملكاوى عقله موجود حتى الان
ننتظرك يادوشة بعد نهاية الدورى
اخوكى الصعيدى الاهلاوى
|
|
| | |
أبو مهاب
مشرف قسم
بلدي :
الجنس :
نقاط : 6557
عدد المساهمات : 1050
العمر : 44
العمل/الترفيه : مراقب مالي
| | موضوع: رد: زملكاوية اصيلة جديد لانج الإثنين مارس 14, 2011 7:37 pm | |
| |
|
| | |
ابن النيل
جماعة الادارة
بلدي :
الجنس :
نقاط : 11325
عدد المساهمات : 2272
العمل/الترفيه : في خدمة الجميع
| | موضوع: رد: زملكاوية اصيلة جديد لانج الثلاثاء مارس 15, 2011 7:05 am | |
| اهلا بيك يادوشة سالت عنك كتير قالوا
احتمال اتحاشت فى الجيش
بقى انت بتزعلى لما الزمالك ينهزم على كدة بقى زعلتى كتييييييييييييييييييير
يابنتى لسة الفرصة قدامك عشان تعيشى بكرامة الزمالك
مبيجيش من وراه الا البهدلة
دا ممكن يجيلك الضغط والسكر منه بعد الشر عنك
بس بجد مش عاوزك تعلقى نفسك بأمال زائفة
دا انا افتكرتك اتغيرتى بس نعمل ايه
سؤال محيرنى ازاى حسام وابراهيم يطلعوا الاتنين فى حج القرعة مره واحد
اللى فى ناس سنين مش عارفة تطوله
نسيت اقولك كل سنة وانت طيبة
وحمد لله ع الزمالك
وادى دقنى لو اخدتوا الدورى
|
|
| | |
اوعى تفهمني غلط
عضو نشط
بلدي :
الجنس :
نقاط : 5561
عدد المساهمات : 176
| | موضوع: رد: زملكاوية اصيلة جديد لانج الجمعة أبريل 01, 2011 5:39 am | |
|
فينك يا خالد يا بطل الدور
للمنتدي
علشان تتفرج
هههههههههههه
|
|
| | |
دوشه
عضو فعال
بلدي :
الجنس :
نقاط : 5675
عدد المساهمات : 307
| | موضوع: رد: زملكاوية اصيلة جديد لانج الجمعة أبريل 01, 2011 5:52 am | |
| بتترئ حضرتك
شكل مش فاهم حاجه واصل
ههههههههههه
اسعدني مرورك الطيب |
|
| | |
mona
عضو جديد
بلدي :
الجنس :
نقاط : 5305
عدد المساهمات : 42
| | موضوع: رد: زملكاوية اصيلة جديد لانج الإثنين أبريل 04, 2011 9:16 am | |
| دوشة أسلوبك جميل وممتع كالمعتاد
بس والله أنا كنت فاكره أن خلاص الزمالكاويه انقرضوا من زمان
بعد اللي حصل في الماتش الاخير
وقامة حرب بالدبابات
تحت شعار
نــــــــــــــــــاديك يــــــــــناديك
الحـــــــقي ابعتي كام ماسج على خط الزمالك
شحتيني شكراااااااااااااااا |
|
| | |
ورد
عضو جديد
بلدي :
نقاط : 5216
عدد المساهمات : 87
| | موضوع: رد: زملكاوية اصيلة جديد لانج الإثنين أبريل 04, 2011 10:05 am | |
| تحفه موجوده فصفحة منتدى على شكل كلمات :يابا يابا ع اللمو
الموضوع جامد جدا
انا مش اهلاوىه و مش زملكاوىه عشان مjفحريش اوى
بس فكرتينى بصديق زملكاوى و مدى الكوميديا اللى كنت بشوفها فملامح وشه و هوا بيتفرج على متش
و بالذات لما تكونوا مغلوبين
من تقلصات فى عضلات الوجه الى افرازات ملحوظه و زات علامات على الارضيه
ههههههههههههههه |
|
| | |
منصور شهاب
عضو مميز
بلدي :
الجنس :
نقاط : 5765
عدد المساهمات : 715
العمر : 49
| | موضوع: رد: زملكاوية اصيلة جديد لانج الإثنين أبريل 04, 2011 9:57 pm | |
| يا حراااااااااااااااام
والله مسكينه
انا بسمع كتير علي الي في حالتك بصراحه حالتك صعبه بس انا عندي الحل متخفيش انا قريت اعلان في جريدة الوسيط
اعلان تبني
يعلن حرس الحدود علي تبني كل من حالته النفسيه تتدهول من كوارس النادي الزملكاوي واخرهم كارسة المتش الاخير مع تونس يوم ما نزلو بلطجية الزمالك الملعب وشوهو صورة
حبيبتي مصر الحلوه
تليفونهم 122
اتصلي ربنا معاكي يا اختي
تمنياتي بالشفاء العاجل وتبقي اهلاويه صميمه |
|
| | |
عرفات المازني
مراقب
بلدي :
الجنس :
نقاط : 10890
عدد المساهمات : 4588
العمل/الترفيه : مــديـر مــالـي
| | موضوع: رد: زملكاوية اصيلة جديد لانج الثلاثاء أبريل 05, 2011 8:14 am | |
| أنا جيت مخصوص علشان الموضوع ده
بصراحة يادوشة موضوعك جامد
تسلم الأيادي
والزمالك
إلى الأمام
وأقول للأهلي
هارد لك
هارد لك
هارد لك
3
وهقول!!!!
ههههههههههههههههه
طبعاً الموضوع للضحك مش عاوزين حد يتعصب
ومبروك عليكم الثلاثة يووووووه قصدي زيزو
|
|
| | |
دوشه
عضو فعال
بلدي :
الجنس :
نقاط : 5675
عدد المساهمات : 307
| | موضوع: رد: زملكاوية اصيلة جديد لانج الجمعة مايو 06, 2011 4:35 am | |
| ده مافيش مره لعب معنا حرس الحدود الي واتمرمتت بكرمتهم الارض وعلي فكره الزمالك ده احلي فريق في الوجود
مثلا اللي حصل في ماتش الاهلي ده ايه
ويصح
وولكن
هناك حقيقة غائبة.. ليس من فعل هذا مصري ولا يمت للمصريين المحترمين بصلة.. فهؤلاء أعداء للمصرين وللرياضة ولا يعقل لمن يعشق الرياضة أن يصدر منه هذا.. فهؤلاء همج ومؤجورين من جهة غير معلومة.. لإفساد الرياضة على محبيها في مصر والوطن العربي.. رسالة اعتذار لكل عربي وللشعب التونسي خاصة ولطاقم التحكيم.. فمصر والمصريين محبي الوطن العربي ومحبي الرياضة لا يعقل ان يصدر منهم مثل هذا الهراء.. رسالة حب لوطني العربي الجريح.. يا رب العزة اعد المجد والعزة للوطن العربي (بتحرير كل شبر وفتر من أرض فلسطين وتطهير أرض العرب من كل الخنازير الأنجاس) مصريه وبحب وطني العربي.. وافتخر
|
|
| | |
دوشه
عضو فعال
بلدي :
الجنس :
نقاط : 5675
عدد المساهمات : 307
| | موضوع: رد: زملكاوية اصيلة جديد لانج الثلاثاء مايو 10, 2011 2:01 am | |
| الاستاز عرفات اسعدني مرورك علي الموضوع
تيت تيت زمالك |
|
| | |
|
