وهي مجموعه من القصص

عن الحرميه الظرفاء


أنتهت وردية الليل فى الثانية عشرة وخرج كل من باسم وفاروق للبحث عن وسيلة مواصلات للعوده لمنزلهما فى مدينة نصر .. يقف بهما الميكروباص فى نهاية الخط

وينزلان يبحثان عن وسيله أخرى فلم يجدا

باسم : وأيه العمل يا فاروق مقدمناش غير أنى نأخذها مشى

فاروق : العمل عمل ربنا .. أنا أعرف طريق مختصر يوصلنا بسرعة

- عارفه مش أللى بين المقابر .. لا ياعم فيه حد يمشى بين المقابر بعد نص الليل أيش ضمنا يطلع علينا حراميه أو عفاريت فى الوقت ده

- عفاريت أيه وحرامية أيه ياعم خليها على الله .. أحنا ياعم أتنين حنشجع بعض وما عفريت ألا بنى آدم والعمر واحد والرب واحد

يدخلان من الطريق المختصر ويسيران وهما يتحدثان لأبعاد شبح الخوف عن أنفسهما

وفجأة يعترض طريقهما رجلا شاهرا مطواته

- أقف ياض أنت وهو رايحين فين

وهما يرتعدان من شكله ومن المطواه التى تلمع فى ضوء القمر : أحنا مروحين ياباشا

- طلعوا المحافظ بتاعتكم أنت وهو

يخرجان المحافظ ويقدماه له بأيدى مرتعشه : أتفضل ياباشا

- ياله غوروا من قدامى الساعة دى

يجريان ولا يلتفتان خلفهما ولكن بعد مسافة يعترض طريقهما شخص آخر شاهرا مطواته : أقف ياض أنت وهو لأحسن أشرحك ..أرفع أديك لفوق .. لفوا وشكم ناحية الحيط ( ينفذان مايقول .. يتكلم فى الموبايل )

- أيوه ياريس العيلين قدامى أهم .. بتقول أيه .. ههههه .. طب خلاص .. علم وسينفذ

يقفل الموبايل : مين فيكم فاروق ومين فيكم باسم .. أنا باسم وده فاروق

- أقلعوا هدومكم يا كتاكيت من سوكات

- بس ياباشا الدنيا صاقعة قوى

- حتقلعوا هدومكم ولا أخلص عليكم وأدفنكم فى التوربه ألا أنتم واقفين جنبيها

- لأ حنقلع بس أحنا سلمنا محافظنا للريس فى أول السكه

- محافظكم فاضيه ياخفيف مفيش حد يقدر يضحك على الريس ياله خلصونى أنا ورايا شغل مش فاضى للحوارات دى

يخلعان ملابسهما ويقفان بالغيارات الداخليه وهما يرتعشان من البرد .. يرن الموبايل مرة أخرى

- أيوه ياريس قلعوا خلاص وواقفين بالفنلات والكلسونات .. أيه .. ههههه حاضر علم وسينفذ.. سلام

يشير لباسم وفاروق بأن يخلعا باقى ملابسهما .. مايصحش كده ياباشا أحنا حنموت كده من البرد

يضع المطواه على رقبة فاروق : حتقلع ولا أجز رقبتك .. حاضر حاضر بس أبعد المطواه دى طب سيب لنا حاجة نستر نفسنا بيها كده مايصحش

- المعلم قال تبقوا بلابيص يعنى حتبقوا بلابيص .. أقلعوا وخلصونا وألا..

يخلعان ماتبقى ويقفان عرايا كما ولدتهم أمهاتهم ويجمع الرجل ملابسهما ويختفى فى الظلام ويقفان يرتعشان وهما يضحكان

- عاجبك كده ياسى فاروق لو حد شافنا دلوقتى حيقول علينا أيه

- أحنا مش واقفين فى التورب .. آه .. بسيطه أللى يسألنا نقوله أحنا ميتين وطالعين نشم هواء وراجعين تانى ههههههههه

بكره أن شاء الله مع حكاية عدوله
تصبحوا على خير

هههههههههههههههههههههه فكرة جميلة بردو يعرفوا يتصرفوا

القصص كالعادة جميلة جدا والاسلوب الفكاهى يميزها

والله ضحكت من قلبى

وبعدين الانسة عدولة ليها عين تروح تقدم بلاغ

وكمان حلوين خالص اللى طلعوا يشموا هوا

احلى جو فى الترب

شكرا علي الموضوع الجميل

متابعة ومستنية ومنتظرة
الباقى

كل الكوارث دى من جراء(حلوة جراء دى)اغنية سعد الصغنن

حلوين جداا

الحكايات الثلاثة مستنين الباقى

معلش اتأخرت فى ردى

ولكنك رائع كالعادة

جميل والله


اسعد الله قلبك


ننتظر با قي القصه

بجد انت استاذ رائع ...
القصص التلاته اروع من بعض ...
وبخصوص حكاية ( بحبك يا حمار ) أعزكم الله ...
أفتكر ان قريت حادثه حصلت عشان الاغنية دى ...

الله ينور يا استاذ ...
ياريت متتأخرش علينا في باقى القصص ...

أشكرك يا أستاذ اوعى تفهمني غلطشعب مصر متفرد بحبه للفن
ولكن تدهور الذوق العام سبب هذه الكوارث
نعمل أيه فى سعد الصغير وعبد الباسط وشعبوله وبعرور وأبو الليف
اخويا الصغير اتحايل عليا لأسجل له أغانى أبو الليف على سديهايه
وكنت أول مره أسمعه قعدت أضحك على أللى بيقوله
وعرفت بأننى خارج نطاق الخدمه الغنائية منذ زمن بعيد
ههههههههه
0

الحلقة رقم 6

الخطه المحكمه




زعيم العصابه وهو متوتر : الخطه قدامكم أهه وكل واحد فيكم عارف مكانه فين وحافظ مهمته الموضوع سهل وبسيط مش كيميا ياحراميه مش عايز غلطه المنطقه راقيه ومليانه بنوك على سفارات ومرشقه بوليس وأمن فى كل حته ..حقول الخطه تانى علشان سيد المسطول وناجى بنجو يصحو معانا

المسطول : تصدق وتآمن بالله ياريس أنا وناجى بنجو الوحيدين أللى فاهمين والباقى زى الكراسى أللى قاعدين عليها

بنجو :يسلم فومك ياض يا سيد .. ده أحنا مروقين قوى وكل كلمه ياريس قولتها راشقه هنا وإلى بيدخل هنا مابيطلعش كربونه ياكبير

الريس : حقول الخطه لتالت مره ..الباتعة ومعاها البت سوسو كاروهات حيدخلوا العمارة الساعة 12 بالليل بالظبط حيخبطوا على باب الشقة 31 فى الدور السابع لو البواب سألكم رايحين فين قولوا طالعين عيادة الدكتور مجدى هى العياده الوحيده أللى بتفتح طول الليل لو ماحدش فتح لهم باب الشقه باتعة حتديك يا أبو زلومه رنه على الموبايل وينزلوا يشاغلوا البواب ويخدروه وبعد مايبقى فى التمام حتديك أشاره بمنديلها الأحمر حتطلع أنت ومجموعة النسف تخلعوا باب الشقه ..الخزانه فى أول أوضه على أيدك اليمين سيد المسطول وناجى بنجو حيفتحوها ويلموا أللى فيها وأبو زلومه وعلى كوارع حيقلبوا بقية الشقه أنا حبقى موجود تحت بالعربيات

العمليه دى تاخد مننا بالظبط ربع ساعة مش عايز دم ولا تأخير لو فيه أى حاجه أتغيرت أتصلوا بى على الموبايل .. أقول تانى يابهايم.. أى أسئله

الباتعة وهى تمضغ اللبانه : لا مؤاخذه يامعلم هى الشقة دى مين صاحبها

- مالكيش دعوه ياباتعه شيئ مايخصكيش أحنا طالعين فى سرقة مش فى سهره ياروح أمك

- أزاى بقى ياريس نفترض أن الشقه لا قدر الله مشغوله مش نرتب نفسيتنا على أللى ممكن يحصلنا يكون صاحبها شاب نروقوه ولا راجل كبير نعرف نهشكوه

- الشقه دى بتاعة واحد مركزه كبير قوى فى البلد فى السبعينات وأرمل وعنده بدل الشقه أربعه وبيتنقل بينهم وكل شقه فيهم ليها نظامها والشقه أللى حندخلها حاطط فيها كل ثروته وأسراره وتحفه ومجوهراته

- طب ياريس أفترضنا أن البيه المهم ده كان موجود جوه الشقه نعمل أيه

- العمليه حتتلغى وتعتذرى له وتقولى رقم أى شقه تانيه ..صعبه دى ياباتعه

- لأ مش صعبه يامعلم

- ميعادنا أمام العماره الساعة 11ونص فركش

الحلقة رقم 7

نيران صديقه



تعدل باتعة وسوسو من ملابسهما والمكياج وهن واقفات أمام الشقة 31 وترن

الجرس مرتين وتشعر بصوت يأتى من الداخل ويفتح الباب رجل كبير فى السن ذو صلعة لامعة يرتدى روب دى شمبر ويبدو عليه أنه كان على موعد غرام فرائحة البرفان تفوح منه.. فيرحب بهما وهو سعيد ولا يعطيهما فرصة للكلام : أتفضلوا أتفضلوا ياميت أهلا وسهلا جايتوا فى ميعادكم بالظبط ..البرنس أول مره يصدق فى مواعيده وكمان باعت أتنين أيه الكرم ده

باتعة : الحقيقة ياباشا هو موصينا بيك قوى باعتنى ومعايا المساعده بتاعتى

- أتفضلوا أستريحوا على ما أجهز القاعده

سوسو كروهات وهى تهمس فى أذن باتعه : حتتصرفى أزاى يابتعتع

- أحمدى ربنا العمليه بقت سهله رزقك فى رجليكى يافقريه

يعود البيه وهو يدفع أمامه عربة المشروبات وهو يرحب بهما : نتعرف بالهوانم

- هوانم هئ هئ هئ تتك أيه ياباشا .. أنا بيبى ودى سوسو وأنت بينادوك بأيه

- هههههه أنا بقى كوكو وأسمى كامل .. تحبوا تشربوا بالثلج ولا بالصودا

- أنت مستعجل ليه ياكوكو على الشرب قومى ياسوسو طرى القاعده شغل لنا شريط للرقص .. موجود يابيبى ..(تقوم سوسو بالرقص وتستأذن باتعه فى دخول الحمام وتقوم بالأتصال بالريس المنتظر تحت العماره ليدير العمليه)

باتعه : أيوه ياريس أحنا جوه الشقه وصاحبها موجود وبندلع فيه والبت سوسو ماصدقت ونازله رقص يظهر أنه راجل فلاتى وصاحب مزاج وكوبايه وكان مستنى واحده تنعنشه

- ماتطولوش خدروه قوام قوام وأدينى رنه وأستنى لحد ما الرجاله يطلعوا سلام أقفلى .. يامأنت كريم يارب

تعود باتعة من الحمام وهى تقول : سيبنى أنا يا باشا أعملك كأس بمعرفتى

- ماشى يابيبى بس بشرط نشرب كلنا سوا أنا ما بعرفش أشرب لوحدى

- يانانوس عين مامته أنا بقى حعلمك الشرب على أصوله

- تصب باتعة ثلاث كؤوس وتضع فى أحداها المخدر وينادى عليها كامل بيه

- تعالى هنا يابيبى أفتحى الشنطه دى وأختارى هدية تعجبك

( تترك الكؤوس وتقوم بفتح الشنطه هى وسوسو ويتخاطفوا قمصان النوم بينهما

كامل :مش حنشرب ألا لما تغيروا وتلبسوهم ياله يا كتاكيت عايزين نهيص

باتعة : نشرب الأول وبعدين نغير

كامل ينفعل : أنا قولت تغيروا الأول يعنى حتغيروا الأول

سوسو : ماتزعلش يا كوكو حالا حنغير .. قومى يابيبى نغير

يدخلان غرفه جانبيه ويغيران ملابسهما ويرجعان فيجدا كامل بيه قد أحضر صينية الكؤوس امامه ويقوم بالتقديم لهما تشهق باتعة شهقة عاليه : يانادمتى تقدم لنا بنفسك ياباشا عنك أنت (تأخذ منه الصنيه وتقف حائرة فأيهم الذى به المخدر .. يقوم كامل بيه بخطف كأس من الصنيه ويطلب منهما أن يرفعا كأسيهما وهو يقول : فى صحة بيبى ومساعدتها سوسو الرقاصة اللولبيه

تتردد باتعة فى أخذ الكأس وتسبقها سوسو فى سحب واحده وتشربها مرة واحده قبل أن تنطق باتعة بكلمه واحده

كامل : أشربى يابى بى ماتقفيش مبلمه كده .. حاضر حشرب ياباشا بس أجيب المزه الأول تأخذ الكأس وتبتعد وتفرغه فى جردل الثلج دون أن يدرى البيه

تتطوح سوسو وتدور حول نفسها وهى تقول : يخرب بيتك ياباتعة يظهر أنا شربت كأس البيه هئ هئ.. وتقع فى الأرض مغشيا عليها فتصرخ باتعة فينزعج كامل بيه ويخرج مسدسه من درج المكتب: كنت حاطه أيه فى الكأس يابنت الرفضى عايزه تموتينى بقولك أيه أنا مركزى حساس من سوكات كده أسحبى البنت دى وأطلعوا بره الشقه وألا حفرغ المسدس ده فى دماغك أنت وهى .. ياحراميه ياغجر برررره

تجلس باتعة على السلم وتكلم الريس بالموبايل : أبعت لى أتنين رجاله ييجوا يشيلوا سوسو كروهات بسرعه

- أيه أللى حصل .. البنت سوسو أتصابت بنيران صديقه شربت كأس البيه وأتخدرت والبيه أكتشف الملعوب وألحقنا قبل مايبلغ البوليس

- نيران صديقه.. أنتم فين .. مرميين على باب الشقه .. بالعربى الخطه فركش

- فركش.. حسابى معاكم بعدين ياولاد الـ.....

تسلم يا مسترعلى قصصك الرائعة
انا بحب جدا اقرا لحضرتك لانى اسلوبك متمكن وسلس ومشوق
واحسن حاجة انه يغلب عليه الطابع الفكاهى

شكرا يا دوشه

أنا أزداد سعاده بتواجدكم فى مواضيعى
أما المواضيع التى يغلب عليها الطابع الفكاهى
أرحم من المواضيع الكئيبه
فالضحة تنور القلب وتزيل الهموم وتبعث الحيويه
وتزيد النفس أشراقا وتفائلا
ما بعرفش أكتب نكد حتى المقال السياسى لابد من أن أرسم فيه الأبتسامه
ولو كانت أبتسامه مره فهى فى الآخر أبتسامه
تحياتى ياغاليه وتابعى معنا

فظييييييييييييييع فظيييييييييييييييع فظييييييييييييييع كعادتك استاذنا
متعك الله في الدنيا والاخرة وفتح عليك من كل خير
0