كل عام وانتى بخير

كل عام وانتى بخير
رغم دموع الامهات رغم دم الشهداء
كل عام وانتى بخير
رغم عناد النظام والفزع فى عيون صغار
كل عام وانتى بخير
رغم بعد الفرحه عنى رغم قرب الدمعه منى
كل عام وانتى بخير
رغم غربتى فيكى فيكى وبدور مش بلاقيكى
كل عام وانتى بخير
رغم انتشار البطاله والعيشه فى اكوام زباله
كل عام وانتى بخير
رغم شبابك اللى شاب واتقتل قبل الميلاد
كل عام وانتى بخير
رغم ولاد(...........)اللى فكرنها فتاكه
كل عام وانتى بخير
رغم حزنى ان ميلادك كان فى يوم عيد جلاد ك
كل عام وانتى بخير
رغم انى كنت عايز احضنك.....والحضن جايز
كل عام وانتى بخير
رغم هتافى السلمى ليكى سلمتنى لعزرائيل
كل عام وانتى بخير
رغم انى دمى مبارك راح هدر على ايد مبارك
كل عام وانتى بخير
مهما قالو شباب خبؤ مش وراهم غير الفيس بؤ
لكن والله بحبك وأتولدت عشان احبك ..وهموت من اجل حبك
وارتاح فى نومتك ياشهيد.

إهداء الشاعر الكبير ( مصطفى الشيمى )....