محاسن بنت الست فكيهه

محاسن بنت الست فكيهه والحاج عماره حنوتي الجيهه
تعبت م الدنيا ومقاسيها ذهقت م الحظ الي ناسيها
وفساعة طيش كتبت ورقه بتقول باي باي للناس فيها
حتسيب الدنيا بقسوتها يمكن ترناح من بلاويها
محاسن بنت الست فكيهه والحاج عماره حنوتي الجيهه
محاسن كانت ش...اطره شطاره تحكي عليها
الناس ف الحاره كانت واعيه وتقدر تغزل بدل الإبره برجل حماره
لكن الحظ النحس صادفها وطلعت شبه الحاج عماره
بس بتفرق ف التضاريس والخلخال وحلقها الطاره
بقت الناس تتشائم منها ذي الحرب ف ساعه غاره
والعرسان هربت م الحته وسابوا عشانها البيت والحاره
كل ذنوبها ف عينهم كانت انها شبه الحاج عماره
مر العمر بسرعه وفات تجري سنين وسنين ف ساعات
بدأ الشعر الابيض ياخد ويا الاسود ورديات
قايست مره وراحت سألت عن عقدتها الشيخه زينات
وكانت شيخه قروبه وتفهم ف العفاريت والجنيات
قالت ليها ياشبه عريسك قبل ولادته بساعتين مات
طلعت جري قوام عالدار فتحت علبه سم الفار
شربت حبه وبعد شويه لف فعينها السقف ودار
كانت أخر كلمه قالتها قبل ماترحل علي أخرتها
ليه كان حظي من المتاعيس ليه يطلعلي الحد خميس
ليه الناس تستخصر فيا حته راجل يبقي عريس
الدنيادي ف عيني اسودت رايحه الأخره أشوفلي ونيس
حرضي بأي عريس يقابلني حتي ان رسيت علي ابليس
ألف خساره وحسره عليها محاسن بنت الست فكيهه والحاج عماره حنوتي الجيهه

سطرت لنا أجمل المعانى
بنقلك الاكثر من رائع الذي يأخذنا
إلى أعماق البحار دون خوف
بل بلذة غريبة ورائعة
دمت لنا ودام قلمك
وجزاك الله خيرا

شكرا اخي العزيز علي

مرورك الطيب

» الست الرغايه

محاسن بنت الست فكيهه

محاسن بنت الست فكيهه

مواضيع مماثلة

مواضيع مماثلة