على هامش الجريدة ( عودة للذكريات صور من زمان فات )

بسم الله الرحمن الرحيم

على هامش الزكريات وانا بقلب النت لقيت شوة صور بجد
رجعت لى زمن بجد نفسى يرجع تانى فاحبيت انى اكتب
موضوع على هامش الزكريات

اهداء

الموضع مهدى الى عاشقى الزكريات وعلى رسهم

احمد الطايفة ( الكبير )

ليلى فاروق

هنود

ومسك الختام اشجى

لانهم من اكثر الناس اللى بتعشق الزكريات

نبتدى ال عرض

ملحوظة : الصور منقولة اما التعليقات فهي للعبد لله

[b]

اةةةةةةةةةةةةةةةةةة الاتارى اول لقاء معاه كان فى مدخل عمارة خالى فتحى الصاوى
وكان ابن خالى ابراهيم وخده فى حضنه وطلع يجرى على السلم انا جبت اتاااااااااااااااارى
بعده مصطفى ابو العنين اللى شغال فى الكويت حلف ليجيب لابنه واحد زيه عندا فى خالى ههههههههههههههههههه التاريخ 1992

مسدس الميه

كان اختراع دعت عليه الست امى لما شبعت لانه كان
حسب قولها ( مظروط ) ليها الدنيا هههههههههههه
التاريخ بين الفترة من 1990 ل 1995

لعبه الكورة

عم ابو طارق البقال جارنا كانت ديما كل عيد
احب اشتري اللعبه دى وافضل انفخ فيها لحد ما
نفسى يتقطع 1992/1993

اعلان اتارى كان ثورة فى عالم اللعاب
شئ مزهل مكنك من انك تحارب الطيارت وتجرى ورا الحرام
وتدخل بيت النمل ( على حد قول ابراهيم ابن خالى )

عم ابو ايهاب بتاع الخردوات اللى على نصية شارع 14 (الله يرحمه )
كان كل عيد ليا واحد من المسدسات دى والعجيب انها مكنتش تفضل لليوم التالى
ومع اعتراف الجميع بأنى عيل ( خروووووبى - من اللفظ خرب ) بس ماما ديما
كانت تقول حاجة ابو ايهاب كلها مغشوشة

الطيارت فى الادارى
شوف بقى الحركة دى يا محمد اهم حاجة بعد ما ( تمون من البانزينة تفرقعها ) هتديلك اسكور حلو
قائل العبارة : ابراهيم الصاوى ابن خالى فتحى استاذى فى الاتارى

الفانوس اللى جواه عصفورة

عودة لابوايهاب الخردواتى يابنى دة بيجيب بضاعة خربنانة اوعى تشترى منه 1993

ريري ياااااااااااااااااااااااااااه
تصدق بالله يا محمد انت اتصرف عليك وزنك فلووووس
واكلت كميات ريرى وسريلاك وبيبداك ( البيبى داك دة لبن اطفاط زمان )
بمبلغ وقدره

قائل العبارة مصطفى ابو العنين التاريخ 2009 من كام شهر
وسمعتها مئات المرات

ليبان هارتى ابو طارق او عم عبد المنعم البقال 1995

بوبونى كان شكله عجيب وتعمه اعجب
يابنى دة هيوجع بطنك انت مفيش فايدة فيك ديما طفس

ماما 1991 ال 20500 لو كان لينا عمر ههههههههههههه

جدى ابو العنين
الله يرحمه انا جبت ليك شكولاتة يا محمد انت وفاطمة بنت خالك فتحى
التاريخ 1989

ملهاش زكريات معايا بس كان بدلها مسطره تخبطها على ايدك تبقى غويشة
وديما كانت بتنتهى نهايا معروفة يا ( اتعور يا تنكسر )
1995

منتهى السذاجة النظارة ام 50 قرش بكرهة

دولفى وعبقارية ( انعام سلوسة )

زكرايت اجمل مشاهد فى حياتنا بس بجد انا كنت بعشق ( نبيه ) اللى كان بيقوم بدوره واحد اسمه محمد جبريل

امى

يخرب بيت ام دة حنان وطيبة الست دى مبتحرمش من طيبتها
زى ما يكون ربنا خلقها لى انا بس ولي بس

اعدادى
استاذ احمد ناجية مدرس الحساب ( الرياضيات يعنى )
يخرب بيت ام دى زكريات
ملحوظة : رسمة الحصان وعلاء الدين دى انا رسمتها بدل المرة عشرة
وكنت بين الطلبة ( دفنشى 3/4 ) هههههههههههههههههههههه

استاذ مصطفى الدكر
استاذ عبد الفتاح
استاذ احمد ناجية
استاذ محمد شافيق
تحية لمن علمنى حرف فأنا له الان عبدا

عم شكشك
صورة من جدى بطريقة هاااااات العصاية يا ولد
الله يرحمه

كنت طول عمرى نفسى اعرف جنسية البنت دى
لحد ما كبرت وعرفت انها لبنانية

تقرياب مستعملناهوش كتير
لاننا من اسر العاملين بالخارج يعنى الاريال من الغالي يا معلم وبلاش قر وزن ههههههههههه

ايوا EWA اول واكمن فى حياتى كان معجزة
كفايا انى اقول ليك ان ثمنه كان فوق ال 300 جنية فى التسعينات
كان عندى منه نسختين طبق الاصل انا وحد ومحمود واحد

كانت ريحتها فظيعة

عادى زكرياته قليلة مكنتش بحبه

البحار الغبى
بعشق الرجل دة عبقرى لدرجة البكاء

الفشر كما ينبغى والهجص كما يجب ان يكون

جرين ديزر يااااااااااااه
تخيلوا ان ابوعمر مديرى الفلسطينى كان بيتفرج عليه فى طفولته ابوعمر 40 سنة

لا يمنكن انسى ابدا اغنية

عالى عالى بطل فليد اسفك فى الاعداء حرب شرا اقهر ظلما فالخطر قريب

البور رينجر
فل يتضخم الووووواحش
ايه القرف دة فين سلاحف الننجا انا مبحبش المسلسل دة

بابار الفيل خرطومه طويل هيا مع بابر فى قصريه الجميل فى قصه الجميل

كنت بحب ( راتاكسس ) اكتر
كنت بحس انه مع انه خرتيت بس ارجل من بابار اللى كنت بحس انه ( نوعمى شوية ) وكان معاه تابعه ( ارثر )

انا مسافر الكويت يا ولاد 0 اكبر علامة تعجب

جملة قالها بابا اثاء عرض المسلسل دة اول مرة فى التلفزيون
وكانت اكبر مفاجئة فى حياتنا 1990 بعد الغزو مباشرا

ماريو

بيقولك الود زاهر اللى عند الممر دة جاب حاجة تانية اجمد من التارى الف مرة اسمها ماريووو
تيجى نروح ؟؟؟

الجملة على لسان خالد ابن خالتى اللى استلمنى من ابراهيم ابن خالى وكان له فضل انى اكتسب خبرتى الماريوووية

كانت هجنن واعرف كوكي كاك دى راجل ولا بنت
هههههههههههههههههههه
عير انى كنت معجب جدا ب ( الاستاذ شامل- محمود الجندى ) كان واخد المسلسل فاحت ورمى جتت وكل الادوار له لوحده ههههههههههههه

افروديت كان نفسى تجوز مزنجر محدش خفيف يوقلى ازى بس كان نفسى مزنجر ربنا يسهل له ويعدلها لافروديت

اولى اعدادى اول مراحل الرعب فى حياتى بجد انا بيجيلى رهبة لما بشوف الكتاب دة كنت بكرهه

الاكلسير
الممر التجارى ماما انا عايز اكلسير محمد احنا خلاص كلها كام يوم وتمتحن هتعمل بيه ايه ؟ مش عارف بس عايز واحد

اميجو

اختراع القرن وكل قرن
اميجوا سبب انى اركب اول ميكروباظ لوحدى فى حياتى

يااااااااااااه تكنولوجيا مخيفة

محمد جرنا تم اطلاق اسم كعبول عليه بعد عرض السلسل مباشرة ياه كان اسم مرعب

تحية للقط المشاكس والسيدة رفيعه ( ونادين حبيبة قلبى هههههههههه )

عودة لعم ابو ايهاب
زمزمية لاء ومن ابو ايهاب دة بيبجيب حاجات خربانة

كانت قمة التكنولوجيا مع انها كانت لا تصلح ابدا لشرب المياه ( كانت بتخررر ) ههههههههههههه

المثلث الترونجلة تلعب طيب ايه ؟
محمود اخويا كان محترف ترونجلة انا كنت استاذ مثلث

.

يااااااااااااااااه على دى ايام انا بجد حاسس انى طار النوم اللى كان مسك فيا من امبارح لما حكيت الزكريات دى

يارب اجعل لينا زكريات احلى بفضلك وكرمك وسترك يا كريم

[/b]