على المواسير




مواسير الصرف الصحى فى العمارات لها عدة أستخدامات أولها

معروف الصرف الصحى وثانيها السلم الخلفى للحراميه وأخيرا المهرب الآمن للعشاق

- مساء الخير يا أبو الزومل أنت نازل من شقة كام

- من شقة 37 .. شايفك يعنى مش محمل حاجة هى طلعت الشقه فاضيه .. لا يا اخويا

عمرانه .. أومال أيه العباره تكونش كان عندك راندفووه .. هو كده بالظبط راندفووه ..

على كده الموززه تستاهل الشعلقه دى .. دى تستاهل وتستاهل أطلع وشوف - أخلص الشغلانه أللى فى أيدى وأعدى أشوفها بالأذن يا روميو

يستمر فى صعوده فيجد سيده تقف بقميص نوم أحمر وصابغة راسها أصفر

وهى تتمايل وتتغندر فى شباك المطبخ وهى تشاور له أن يدخل وتغنى أنا هنا هنا يا أبن الحلال

لا عايزه جاه ولا كوتر مال

- أنت شقه 37 لا مؤاخذه ..هئ هئ أيوه هى شقة محسوبتك صباح

صديكة الحراميه وأنت أسمك أيه.. محسوبك زعتر تخصص

مواسير.. بردون ياشحروره أنا طالع شقه 41

أخلص فيها مصلحة وأعدى عليكى وأنا نازل .

. ماتتأخرش يا أنت أنا مستنياك ..أوكيييه ليلتنا عنب .. بقولك أيه يامدام ممكن

أحط الحجات دى عندك على ما أخلص تقشيط الشقه أللى معايا .. وماله ياحبيبى بيتك ومطرحك .

. يستمر فى تحويل المسروقات وهى تتلقاه منه وتضعها فى المطبخ

حتى ينتهى تماما ويهم بالدخول لها من شباك المطبخ





فيجد عملاق فى أنتظاره بدلا من المرأة اللعوب فلا يصدق نفسه فيسأله

وهو متشعلق على المواسير : مش دى برضه شقة 37 .. أيوه هى ..

أومال الست فين .. ست مين ياض .. أللى تركت عندها الأمانه ..

أمانة أيه ياض .. بتاعة شقة 41 .. أنت حرامى ياض

.. لأ ياباشا .. أومال بتعمل أيه عندك على المواسير ..

أنا السباك وبصلح مواسير شقة 41.. بس الشقه دى مفيهاش حد أصحابها مسافرين

تكونش حرامى ياض .. أيوه بقى أنا حرامى وعايز حاجتى أللى سيبتها عند المدام

- أنت أسمك أيه ..-زعتر ياباشا

- مش تقول كده من الصبح الست خرجت عندها كشف خصوصى وبتقولك تبقى تيجى فى وقت تانى

- هو حضرتك تقرب أيه لمدام صباح ..؟؟

يضحك بصوت مرتفع : أبقى الملحن بتاعها هى تغنى وأنا أضرب أدخل

ياراجل تعال شوف حاجتك فين وخدها أحنا فنانين ما بنحبش الحرام -

أدخل يعنى .. أدخل حد حايشك .. لو حتعمل في حاجه كده ولا كده بلاش وأستعوض ربنا فيهم وسيبنى أنزل أشوف حته تانيه

- عيب عليك تقول كده أدخل ياراجل المصلحة واحده

يدخل الحرامى ويساعده العملاق على الولوج من شباك المطبخ

: تعال معايا بقى جوه تشوف حاجتك أللى سيبتها عندنا .. يدخل معه

غرفه مليئة بالمسروقات وهو متوجس خيفه منه – أنهى من الحجات دى تخصك ..

- مافيش حاجة من دول تخصنى - تعجبنى أنت كده طلعت حرامى

محترم وكان ده أختبار ليك.. عارف لو كنت سقطت فيه كان حيحصلك أيه..

. كان زمانك جثة ممدده فى المنور

- وعلى أيه ياباشا نعتبرهم عربون محبه .. أنت حتبقشش علينا ياروح

أمك أنجر قدامى ( يفتح غرفه ثانيه بها بعض المسروقات ) حاجتك هنا يا زعتر .. لا ياباشا

(يفتح غرفة ثالثة ورابعة وزعتر يدعى بعدم وجود مسروقاته فيها )

العملاق : أنت شوفت كل الأمانات أللى عندنا ومالقتش حاجتك أنت بتستهبل ياض

- ياباشا مش الشقة دى رقم 38 .. لأ ياحمار دى 37 ..

ياه أنا آسف جدا أنا غلطت ياباشا أنا قصدى 38 عن أذنك بقى .

. أنت رايح فين .. رايح شقه 38 أشوف حاجتى والموزه أم قميص أحمر..يبتسم العملاق :

ماشى يازعتر ماتبقاش تغلط تانى ..ينزل على المواسير وهو خالى الوفاض فيسمع صوت همس فى الدورالسفلى

- سسس مساء الخير يا أبو الزومل أنت نازل من شقة كام

- من شقة 37 .. شايفك يعنى مش محمل حاجة هى طلعت الشقه فاضيه .. لا يا خويا عمرانه

.. أومال أيه العباره تكونش كان عندك راندفووه .. هو كده بالظبط راندفووه الله ينور عليك

.. على كده الموززه تستاهل الشعلقه دى .. دى تستاهل وتستاهل أطلع وشوف وأدعيلى

- أخلص الشغلانه أللى فى أيدى وأعدى أشوفها بالأذن يا روميو

- حقيقى تبقى فى بوءك وتقسم لغيرك..

هههههههه

موضوع في قمة الروعه

لطالما كانت مواضيعك متميزة

لا عدمنا التميز و روعة الاختيار

دمت لنا ودام تالقك الدائم