الله يخرب بيت المســــــــاوااااااااااااااااااه

حاجة تفقع المرارة ..

كنت واقف على محطة المترو أنتظر كغيرى من الناس وصول البيه المترو..

ولفت انتباهى فتاتان تتحدثان من خلفى بصوت يشبه الهمس إلا أنى أسمعه لقربهما الشديد

منى.. ولإصرار إحداهما على توجيه فمها نحو أذنى..

ليس لتهمس إلىّ بشئ.. ولكن لتقذف من فمها الغادر هذا قذائف من قشر اللب الذى قزقزته

وهى مستمتعة متحمسة بالحوار..

الأولى: والله منا عارفة الرجالة دول عايزين ايه مننا..

الثانية: يا حبيبتى دى كائنات مفترية عايزة تستعبدنا..

الأولى: وقال إيه.. إتفوووووو( هذه قذيفة قشر لب) بيقولوا انهم اقوى منناعشان كده يبقوا هما

قَوَّامِين علينا..

الثانية: باستنكار عجيب.. قواميـــــــــــــــــن!! .. داحنا قدّهم وقدود يا حبيبتى..

الأولى: منا عارفة.. دنا كل يوم بصبّح حمدى بشبشبين وامسّيه بعصايتين..

فهمت أن حمدى هذا هو الرجل المسكين الذى يظنه الناس زوجها.. ولكنه فى الحقيقة أسير

سجين عندها..

الثانية: يا ختى انتى ادرى .. أنا لسة متجوزتش .. بس انا متأكدة إنى قد عشر رجالة.

الأولى: خللى بالك يا بت .. لازم لمّا تتجوزى تثبتيله إنك أقوى منه..

الثانية إزاى يعنى.. انتى عندك طريقة؟

الأولى: عيـــــــــــــــــــب.. دنا دبحتله القطة ليلة الدخلة.

التانية: قطة ايه يا اختى متقولى على طول من غير امثال..

الأولى: أول ما اتقفل علينا الباب كان فاكرنى من اللى بيتكسفوا يا ختى..

بس انا ايه فاجئته.. قلتله كده بدلع الأول.. يا حمدى.. يا ميدو يا حبيبى..

وهو الاهبل فاكرنى بتدلّع عليه..

قلتله نفسى تلاعبنى رست يا حياتى..

التانية: ورضى يلاعبك ؟!!

الأولى: كان فاكرنى مش قده .. بس على مين!! ..غلبته وحياتك .

.ومن يومها وهو اخر احترام

معايا

التانية: والله وانا حاسة انى برضه عندى القدرة انى اعمل كده.. فتحتى نفسى للجواز يا شيخة..

الأولى: يابت ما تستعجليش .. هتشوفى كتير من ده لما تتجوزى.

. هما الرجالة كده منظر وبس..

المهم دلوقتى خللينا فى اللى احنا فيه..

التانية: والاجتماع عن ايه النهارده فى الجمعية؟

الأولى: عن المساواة المطلقة فى جميع الحقوق بين الراجل والست.

التانية: يادى وجع القلب .. آدى اللى جايلنا من ورا الرجالة .. تعب وبس ياختى..

وأخيرا جـــــــــــــــــــــــــــاء المترو

جاء ليرحمنى من اللب وقشر السودانى.. وحتى تنتهى قصة أم زيد الهلالية هذه

كنت أتحسّر على هذا المسكين الذى انخدع واتضح انه متزوج من الشحات مبروك..

وفى نفس الوقت .. عرفت ما يدور فى أذهان النساء هذه الأيام .. وأيضا.. راجعت نفسى فى

موضوع الارتباط ببنت الحلال.. وقلت اصبر قليلا حتى لا أشرب مثل هذا المقلب الساخن..

المهم كنت حريصا بالطبع على أن أرى وجهَيْ هاتين البطلتين اللتين أكلتا رأسى بحديثهما

الشيق الممتع ..

وجلسنا فى المترو .. والحمد لله وصلت بيت أقاربى الذين كنت قد نزلت عليهم أثناء تواجدى

فى القاهرة..

وفى اليوم التالى..

ركبت المترو ووجدت فيه مكانا والحمد لله..

وبعد محطتين.. وقد ازدحم المترو بالركاب. وكدت أختنق من روائح الأفروزو (على رأى آيات
الجارحى )

فإذا بامرأة وفتاة تشقان الزحام متوجهتان إلىّ لكى تتسمرا أمامى أنا بالذات..

وسمعت الصوت..

هذا الصوت ليس غريبا..

بل ونبرته تذكرنى بلسعة فى اذنى من جراء الإلقاء بصندوق قمامة ملئ بقشر اللب فيها..

كانت تبتسم لى قائلة..

لو سمحت يا أستاذ ممكن أقعد مكان حضرتك..

إنها هى.. أم زيد الهلالية زوجة حمدى المسكين.. زعيمة تنظيم المساواة الجائرة .. ومعها ذيلها

.. (أقصد صديقتها)

بصراحة لم أتمالك نفسى .. فرحت صارخا فى وجهها..

يا سلام.. تقعدى مطرحى .. ونسيتى المساواة يا ولية يا مفترية !!

كنت أصيح فيها كالمجنون..وأصرح باسم حمدى والرست والشبشب..

كانت تنظر إلى ببرود عجيب وكأنها متأكدة من أنها ستحصل على المقعد ..

فقالت لى برقة عجيبة .. جعلتنى أشك فى انها هى نفس المرأة.. انا بستأذن حضرتك

. عيب قوى انك تكسف واحدة ست مش قادرة تقف..

لكن لا .. على جثتى..

مش هتقعدى على الكرسى واللى عايزة تعمليه اعمليه..

كنت اعانى من صراع فى أعماقى.. فأنا كرجل صعيدى وأزهرى لا استطيع رؤية

امرأة واقفة وانا جالس .. لكن هذه بالذات
لا..

أفقت من صراعى الداخلى لأجد كل من حولى من الركاب ينظرون إلىّ باشمئزاز.. ونطق أحدهم

من منخاره قائلا.

ايه قلة الذوق دى .. متقعّد الست يا بارد..

جعلتنى الكلمة أغلى وأفور من الغيظ..

أنا بارد يا نطع.. ما قمتش انت ليه لما انت محروق قوى كده..

رد علىّ بجملة واحدة كانت أبرد ممن نطقها .. لو طلبت منى انا كنت قمت.. بس هى طلبت

منك انت..

فقلت وانا اتمادى فى إصرارى مش ممكن .. اللى مش عاجبه بقعّدها مطرحه.
.
وساعتها ( لاأراكم الله شيئا كهذا) وجدت العربة كلها تضيق من حولى والناس يمسكون بى من

كل مكان .. والحناجر تلتهب بالسباب .. والأيدى ليس لها شغل إلا مصافحة وجهى

وانحاء أخرى متفرقة من جسدى..

ورأيت ابتسامة صفراء على وجهها وهى....

وهى جالسة على مقعدى..

وصرخت بكل ما املك من قوة..

الله يخرب بيت المســــــــاوااااااااااااااااااه..

حسبى الله ونعم الوكيل..

لا اعلم بصراحة كيف استطاعت هذه المرأة الظالمة ان تغير من مبادئها وتلعب على وتر الرجولة

عند الرجال ..

تبا لهذه المساواة

تبا وألف تب

هههههههههههه...رائع يا ابومازن.. الله يخرب بيت المســــــــاوااااااااااااااااااه 949602

هههههههههههه تسلم يدك أضحكتنا

اللة يعطيك العافية

اشكركم جميعا

علي الردود

ههههههههههههههههههههههههه الله يخرب بيت المســــــــاوااااااااااااااااااه 23555

فية حد يقدر على ام 44 الله يخرب بيت المســــــــاوااااااااااااااااااه 814383

صح زمن الستات

ههههههههههههههههههههه

لا انت الصادق مش ام 44

دي أف 16

ههههههههههه

مش كلهم كدا و الله

في بيبقوا غلابه قوي

و في إللي بتتمسكن لحد ما تتمكن زي دوشه

ههههههههههههههه
بس برضو بقي

ميييين إللي أتشددلها ؟؟
مش الرجالة إللي في المترو برضو ؟!!!!
يعني من غيرهم كانت قدرت تعمل حاجة؟؟!!.......
يبقي أنتوا السبب يارجالة

ولا تنسو الرجال قومين على النساء @تحياتى ليكم جميعا@ تقيت على الحباب قالو كفاية دمفيش

حد ونديت على الصحاب قالو كفاية دمين هيرود مالقمر مسافر والفرحة مسفرة حتى الحب سافر

تحياتى ليكم @

مريم العزيزى كتب:: مش كلهم كدا و الله

في بيبقوا غلابه قوي

و في إللي بتتمسكن لحد ما تتمكن زي دوشه

ههههههههههههههه
بس برضو بقي

ميييين إللي أتشددلها ؟؟
مش الرجالة إللي في المترو برضو ؟!!!!
يعني من غيرهم كانت قدرت تعمل حاجة؟؟!!.......
يبقي أنتوا السبب يارجالة

مرحبا يا مريم..
والله منا عارف أقول ايه..
حتى أنت يا بروتس..
أقصد حتى انت يا مريم... يعنى الغلط طلع على الرجالة.. برغم انهم طلعوا آخر شهامة مع ام زيد المفترية..
مش بقوللكم يا ناس .. أصل الستات بينتصروا لبعض...
فلتعد عنصرية طعمية مهلبية كما كانت فى الأزمان الغابرة يا ردّالة..

انت بتتكلم جد يا مولانا؟؟

بجد اتخانقوا معاك عشان تقوم لها؟؟؟

الصراحة انا شايفى ان النوعية دى من الستات بيبقوا واخدين على دماغهوم وكل يوم بيترنوا علقة لكن عندهوم عقدة فبينفثوا عنها مع بعض انهم يقولوا صولات وجولات فى تربيتهم للرجالة والحاصل العكس.. او انها تبقى ببساطة متجوزة مأشة على راى ايمى بس خلاص..
لكن اللى لذيذ فى المضوع يا مولانا انك اتجسست عليهوم واتحملت قذائف اللب ومقدرتش تمنع فضولك من انك تمشى من جنبهوم..
بس الصراحة انا لو منك ولا كنت قومت ولا رديت عليها اصلا ولا كأنى شوفتها .. اوعى كنت اعمل نفسى عندى عاهة ..
افتكر بمناسبة الموضوع ده افتكر واحدة كانت بتحكيلى ان اخوها وصاحبه كانوا راكبين الترام مرة وصاحبه قالله انا عايز اقعد واللى يحصل يحصل.. وراح لابس نضارة الشمس واخوها سانده وركبوا الترام والناس قاموا له وقعد هو .. وطبعا ماسكين نفسوهم م الضحك واول والناس عمالة تكلمهوم وتدعيله ما الشعب المصرى ده معندوش وسط يا تلاقى الناس كلها نازلة فيك ضرب يا نازلين دعا ليك فوى الحالتين دلالة على الشهامة.. المهم العيال اتشغلوا مع الناس اللى بيكلموهم.. وفجأة الولا اللى عامل اعمى لقا انهم محطتهم فاتت راح قايم جرى وبيقول لصاحبه يلا بسرعة ونزلوا طيران من الترام والناس شتموهم شتيمة..
يستاهلوا طبعا..
بس حمد الله على سلامتك يا مولانا وامسحها فينا معلش..

بقى هم دول الستات......؟؟؟؟؟

واه يا بووووووووووووووووي...

بقى كده الجنس اللطييييييييف؟؟؟

يادي الكسووووف.. يادي الكسووووووووف...

اخبي وشي فين............؟؟

بس معلش يا شيخ اوعي تفهمني غلط

صوابعك مش زي بعض..

تعيش وتاكل غيرهااااااااااااااااااا:brb :

ميييت فل .
الله يخرب بيت المســــــــاوااااااااااااااااااه Gathering

الله يخرب بيت المســــــــاوااااااااااااااااااه Gathering

ما شاء الله
ايه الحلاوة دي
ياسلام بقة لو كانو مثلا شغالين ممرضات ( ملايكة رحمة يعني )

معلش والله... انا مقدر موقفك يا عم اوعي تفهمني غلط
أنا مش عارف الستا ت افترو كده ليه
طب تصدق وتؤمن بالله

أنا مرة دراعي اتكسر وأنا في الاعدادية..
اللي كسرهولي بنت أصغر مني

كنا بنلعب كورة في المصيف.. وجت عايزة تلعب يا إما سنة أهالينا سودة
هي ما شاء الله كانت شبه برميل الطرشي..
وأنا بقة كنت لعيب ما أقولكش... كنت بلعب في الأهلي

وانا عمال أتمنظر على الكل بمهاراتي .. والكورة مش راضية تنزل على الأرض
بصيت فجأة
لقيت نفسي فوووووووووووووووووووووق

ايه ده يا جماعة.. انا مطلبتش أروح القمر..
ياااه
هي الناس صغيرة من فوق كده ليه
و
طررررررررررررراخ
على الأرض
على دراعي المسكين

وبألقي نظرة من بعيد
وجدت الجانية.. تمسك الكرة بيدها.. وتذهب مطيحة بالجميع.. لتحرز هدفا.. بيدها

المشكلة اللي واجهتنى.. ان مفصل ايدي طار من مكانه..فطير السعة من ايدي..
كانت ساعة فيها أتاري
يالا
منهن لله

السلام عليكم

ايه ده ايه ده مافيش مكان اقعد قوم يا شيخ اوعي تفهمني غلط انا عايزه اقعد مطرحك

ههههههههههههه بس حكايه جامده جدا من كل نواحيها

بس اللى انا بستغربه ان في عربيتين لسيدات ليه في بعض ناس بتروح لعربيه الرجاله

انا حتى اما ببقى متاخره لا يمكن اركب فيها اركب باحترامى في اخر عربيه

اصل اما اقعد نص ساعه في وسط كميه الناس دى مش هبقى مستريحه وهبقى واقفه واخده بالى من هدومى ياترى ايه معدول ايه مش عارف ايه

انا من رائ انكوا ترفعوا قضيه وتطالبوا بالمساوه معنا وتقولوا عايزين عربيتين للرجاله

انت كمان ممكن ترفع قضيه على الست مرات حمدى وهتلاقي حمدى معاك اكيد

ربنا يكفيك شر كيد النسا ياشيخ اوعي تفهمني غلط..
اقولك على حاجة حلوة
الشيخ الشعراوي في معرض خواطره القرآنيه عندما تعرض للايتين
بسم الله الرحمن الرحيم
(ان كيد الشيطان كان ضعيفا)

و
(قَالَ إِنَّهُ مِن كَيْدِكُنَّ إِنَّ كَيْدَكُنَّ عَظِيمٌ (28)
قالك في المقارنة ان كيدهن من ضعفهن فهو مجرد وسيلة دفاعيه ولذلك فمن ترى في نفسها قوة لن تكيد واللي عامله ام زيد الهلاليه دي اخلت بقواعد اللعبه...المفروض تاخد كارت احمر..
دي في العضل ياشيخ اوعي تفهمني غلط
الله يرحم ايامك ياسي السيد...
صباحك فل..

علي ثروت منصور كتب:: ولا تنسو الرجال قومين على النساء @تحياتى ليكم جميعا@ تقيت على الحباب قالو كفاية دمفيش

حد ونديت على الصحاب قالو كفاية دمين هيرود مالقمر مسافر والفرحة مسفرة حتى الحب سافر

تحياتى ليكم @

اسعدني تواجدك في الموضوع يا علي شكرا لمرورك

دوشه كتب:: انت بتتكلم جد يا مولانا؟؟

بجد اتخانقوا معاك عشان تقوم لها؟؟؟

الصراحة انا شايفى ان النوعية دى من الستات بيبقوا واخدين على دماغهوم وكل يوم بيترنوا علقة لكن عندهوم عقدة فبينفثوا عنها مع بعض انهم يقولوا صولات وجولات فى تربيتهم للرجالة والحاصل العكس.. او انها تبقى ببساطة متجوزة مأشة على راى ايمى بس خلاص..
لكن اللى لذيذ فى المضوع يا مولانا انك اتجسست عليهوم واتحملت قذائف اللب ومقدرتش تمنع فضولك من انك تمشى من جنبهوم..
بس الصراحة انا لو منك ولا كنت قومت ولا رديت عليها اصلا ولا كأنى شوفتها .. اوعى كنت اعمل نفسى عندى عاهة ..
افتكر بمناسبة الموضوع ده افتكر واحدة كانت بتحكيلى ان اخوها وصاحبه كانوا راكبين الترام مرة وصاحبه قالله انا عايز اقعد واللى يحصل يحصل.. وراح لابس نضارة الشمس واخوها سانده وركبوا الترام والناس قاموا له وقعد هو .. وطبعا ماسكين نفسوهم م الضحك واول والناس عمالة تكلمهوم وتدعيله ما الشعب المصرى ده معندوش وسط يا تلاقى الناس كلها نازلة فيك ضرب يا نازلين دعا ليك فوى الحالتين دلالة على الشهامة.. المهم العيال اتشغلوا مع الناس اللى بيكلموهم.. وفجأة الولا اللى عامل اعمى لقا انهم محطتهم فاتت راح قايم جرى وبيقول لصاحبه يلا بسرعة ونزلوا طيران من الترام والناس شتموهم شتيمة..
يستاهلوا طبعا..
بس حمد الله على سلامتك يا مولانا وامسحها فينا معلش..

يا جابرة الخواطر يا بنت عمى دوشه
على فكرة أنا مكنتش بتجسس عليهم أنا كنت بس بفكر أقتلها ازاى الزلية المفترية دى قبل المترو ما ييجى..
يعنى كنت بشوفلها موتة طبيعية .. حاولت اكعبلها على بوزها وأريّح حمدى المسكين من شرها بس لقيت نفسى هتكشف ويترحم حمدى واتسجن انا..وأول ما كنت هاخد خطوة بعيد عنهم كان البيه المترو وصل.

جبران الخاطر كتب:: ما شاء الله
ايه الحلاوة دي
ياسلام بقة لو كانو مثلا شغالين ممرضات ( ملايكة رحمة يعني )

معلش والله... انا مقدر موقفك يا عم اوعي تفهمني غلط
أنا مش عارف الستا ت افترو كده ليه
طب تصدق وتؤمن بالله

أنا مرة دراعي اتكسر وأنا في الاعدادية..
اللي كسرهولي بنت أصغر مني

كنا بنلعب كورة في المصيف.. وجت عايزة تلعب يا إما سنة أهالينا سودة
هي ما شاء الله كانت شبه برميل الطرشي..
وأنا بقة كنت لعيب ما أقولكش... كنت بلعب في الأهلي

وانا عمال أتمنظر على الكل بمهاراتي .. والكورة مش راضية تنزل على الأرض
بصيت فجأة
لقيت نفسي فوووووووووووووووووووووق

ايه ده يا جماعة.. انا مطلبتش أروح القمر..
ياااه
هي الناس صغيرة من فوق كده ليه
و
طررررررررررررراخ
على الأرض
على دراعي المسكين

وبألقي نظرة من بعيد
وجدت الجانية.. تمسك الكرة بيدها.. وتذهب مطيحة بالجميع.. لتحرز هدفا.. بيدها

المشكلة اللي واجهتنى.. ان مفصل ايدي طار من مكانه..فطير السعة من ايدي..
كانت ساعة فيها أتاري
يالا
منهن لله

هما وصلوا كمان لغاية البلاج وبقوا يفرضوا سطوتهم على الشواطئ..؟
طيب نروح منهم فين ياربى..آآآآآآآآآآآآآآه

آدى جزاء اللى يقعد يستعرض مهاراته قدام من لايفهم ولا يرحم..
فكرتنى بنفسى أيام زمان..
كنت بلعب فى متش كورة مع النادى .. والفريق التانى غلب معايا . يشوطوا الكورة أصدها.. يعملوها اوفر أصدها .. يلعبوها زاحفة أصدها .. حتى ضربة الجزاء صديتها..
لقيت واحد مغوار كده..
رجله بعيد عنك تشبه رجل الجاموسة.. معملش حاجة خالص غير انه اشترك معايا فى كورة.ز
هو مكانش عايز الكور بصراحة..
لكن ضربنى برجل الجاموسة فى جنبى كان هيكسر ضلعى الله يخرب بيته.ز
وبعد ما كنت بلاعبهم على الشناكل ومدوخهم السبع دوخات.. لقين نفسى طالع على نقالة ..
والفريق الطبى كله جاى ورايا وهما بيحددوا مكان العزاء ..
كله من الاستعراض الله يقطعه..

ورد كتب:: السلام عليكم

ايه ده ايه ده مافيش مكان اقعد قوم يا شيخ اوعي تفهمني غلط انا عايزه اقعد مطرحك

ههههههههههههه بس حكايه جامده جدا من كل نواحيها

بس اللى انا بستغربه ان في عربيتين لسيدات ليه في بعض ناس بتروح لعربيه الرجاله

انا حتى اما ببقى متاخره لا يمكن اركب فيها اركب باحترامى في اخر عربيه

اصل اما اقعد نص ساعه في وسط كميه الناس دى مش هبقى مستريحه وهبقى واقفه واخده بالى من هدومى ياترى ايه معدول ايه مش عارف ايه

انا من رائ انكوا ترفعوا قضيه وتطالبوا بالمساوه معنا وتقولوا عايزين عربيتين للرجاله

انت كمان ممكن ترفع قضيه على الست مرات حمدى وهتلاقي حمدى معاك اكيد

يا فتاح يا عليم.. بدايتها كده..!!
بس انتى ممكن أقوملك ..إلا لو لاحظت عليكى أعراض الهلالية... ساعتها مش ممكن أبدا الله يخرب بيت المســــــــاوااااااااااااااااااه 75288

الله يخرب بيت المســــــــاوااااااااااااااااااه 75288

والله البنات والستات اللى بيركبوا المترو وبيكونوا ركبوا فى عربيات الرجالة بسبب استعجال او لقيوا العربية فى وشهم وكسلوا دول بيبقوا باينين ..
بتلاقى الواحدة فيهم محترمة وقاعدة فى جنب لوحدها.ز
أما بقى اللى مبيهمهمش حد دول.. بتلاقيهم حايسن فى العربية كلها.. وممكن الواحدة تكون راكبة لوحده ورايحة جاية فى العربية..
دول بيبقوا هلاليات بقى..
عشان كده الواحدة منهم لو فضلت تروح وتيجى من قدامى عشرتاشر مرة مش ممكن أتحرك لها..
بس ساعات .. العرق الصعيدى والعرق الرجالى والعرق الأزهر ينقحوا عليا كلهم وأقول لنفسى..
يا واد يعنى لو فضلت كده واقفة .. متضمنش ايه اللى ممكن يحصل من اى واحد رزل ..
وتبقى انت متحمل للذنب .ز والاقى نفسى زى الشاطر قمت وندهت عليها .. يا آنصة .. تعاااااااالى اتفضلى الله يخرب بيت المســــــــاوااااااااااااااااااه 2258367465

الله يخرب بيت المســــــــاوااااااااااااااااااه 2258367465

غاده كتب:: بقى هم دول الستات......؟؟؟؟؟

واه يا بووووووووووووووووي...

بقى كده الجنس اللطييييييييف؟؟؟

يادي الكسووووف.. يادي الكسووووووووف...

اخبي وشي فين............؟؟

بس معلش يا شيخ اوعي تفهمني غلط

صوابعك مش زي بعض..

تعيش وتاكل غيرهااااااااااااااااااا:brb :

ميييت فل .

صدقينى دول مش من الجنس اللطيف ..
دول من الجنس الأشكيف..
ربنا يكون فى عون الرجالة على مدى القرن ده ..
الله يخرب بيت المســــــــاوااااااااااااااااااه 38466

الله يخرب بيت المســــــــاوااااااااااااااااااه 38466

ما يخون الود عاشق كتب:: ربنا يكفيك شر كيد النسا ياشيخ اوعي تفهمني غلط..
اقولك على حاجة حلوة
الشيخ الشعراوي في معرض خواطره القرآنيه عندما تعرض للايتين
بسم الله الرحمن الرحيم
(ان كيد الشيطان كان ضعيفا)

و
(قَالَ إِنَّهُ مِن كَيْدِكُنَّ إِنَّ كَيْدَكُنَّ عَظِيمٌ (28)
قالك في المقارنة ان كيدهن من ضعفهن فهو مجرد وسيلة دفاعيه ولذلك فمن ترى في نفسها قوة لن تكيد واللي عامله ام زيد الهلاليه دي اخلت بقواعد اللعبه...المفروض تاخد كارت احمر..
دي في العضل ياشيخ اوعي تفهمني غلط
الله يرحم ايامك ياسي السيد...
صباحك فل..

صدقينى أنا من ساعتها قررت أتخلّى عن شهامتى المعهودة ..
طبعا مش دايما وإلا كانوا يدبحونى فى البلد..:dead:
بس مع الشخصيات اللى فيها ملامح نفسية من ام زيد الهلالية والأعراض باينة عليها..
صحيح إن كيدهن عظيم..
وبعدين يا دكتورة الرجالة الحمد لله ما زالوا بشهامتهم أمّال انتوا بتقعدوا مكانهم ازاى؟
يا سلام على الستات دول.. زى القطط تاكل وتنكر!
صحيح اللى كفوفهم سلمت على جسمى رجالة لكن كانت واحدة ست... ست ايه؟!! حرباية حركتهم ضدى:rip:
وحسبى الله ونعم الوكيل..!!

ابن النيل كتب:: صح زمن الستات

طالع وهجيلك تاني
ههههههههههههههههههههه

أساذى ابن النيل
شفت اللى جرالى..
انا اتبهدلت .. بس خسارة مكانش معايا طبنجة ساعتها.. كنت طخيت المترو باللى فيه..
مستنيك على نار..
عشان تفكر معايا ازاى آخد بتارى واغسل عارى..

شفت بجا بنات البندر عاملين كيف ؟؟؟

يا حسره عالرجاله

وبعدين ليه تخاف من الجواز أكده ؟

مش جلتلك ياولدي مالكاش غير بنت خالتك سكينه

مالها ؟؟.. جميلة ومؤدبه وزي الفل وهاتكون من يدك دي ليدك دي .. بس انتوا اللى زي الجرع يحب يمد لبره

تحياتي شيخ اوعي تفهمني غلط

أما انتي يا عم الحج بلطيه
والله ما بصيت برّه يا بو عمّو .. اقصد يا بنت عمي
بس تعمل ايه ..
قليل البخت يلاقى العضم فى الكرشة .. ويعضه الكلب فى السوق.. أقصد فى المترو..

» هل ضرب النبي صلى الله عليه وسلم زوجته عائشة رضي الله عنها ؟
» بابى انت وامى يا رسول الله يا حبيب الله ( العمارنه فى قلبى )
» قصيده ابكت الرسول صلى الله عليه وسلم .. فداك أبي وأمي يارسول الله
» الله يا الله إبتهال ديني للشيخ سيد النقشبندي
» الله يا الله (نشيد جميل ومؤثر)

الله يخرب بيت المســــــــاوااااااااااااااااااه

الله يخرب بيت المســــــــاوااااااااااااااااااه

مواضيع مماثلة

مواضيع مماثلة