معلش يا جماعه انا ليه فتره بدخل كل يوم المنتدي ادور علي دوشه مش لاقيها كل يوم ادور مش لاقيه ودارت في عقلي افكار لا سمح الله وحشه يمكن تكون جرتلها حاجه لانها كانت تعاني من دور انفلونزا حاد ودور سخونه جامده علي وصفها لحالتها انا بصراحه قلقان علي البنت دي لانه لو جرالها حاجه هنخسر عضو نشط جدا في منتدانا فكرت يكون اعتقلها تحتمس ولا خطفها مينا موحد القطرين معاها ولا اغتالها حسني

هتقولو ليه دول يعملو معاها كده

هقولكم لانها اخدت الاضواء منهم واعترفتلنا انه الاعمال الي كانت منسوبالهم كانت اعمالها وهما نسبينها لنفسهم ومحدش عارف الحقيقه الا بعد ظهور دوشه واعترافها بالاعمال دي كلها


وصلني خبر

واخيرا وصلني خبر انها معتصمه في الاعتصام الجديد الي في ميدان التحرير ليه لانها تطالب مبارك في تقسيم 700 مليار دولار عايزه النص لانها هي الي كانت تخطط لمبارك كل عملية بيع ده الخبر الي وصلني


مناشده ورجاء واعلان حقيقه


اولا
اناشد السيد مبارك اذا كان لدوشه حق في الفلوس اديهلها احسن من الفضايح والقيل والقال


ثانيا

ارجو من الاخت دوشه ان تتصل بنا من خلال المنتدي حتي نطمئن علي سلامتها الغاليه وارجو من اي احد اعضاء النتدي شاف الاخت دوشه في المظاهرات الجديده ان يخبرنا ا نها بخير


ثالثا

اذا كنتي لسه في الاعتصام ان تعلني عن وجودك للراي العام من خلال المنتدي


وشاكر حسن تعاونكم

يا بوي الواحد مش عارف يرتا ح حتي في المنتدي دة بعد ما الواحد كان يأخدلة تعسيلة فية بقي كلة دوشة

انا بشكركم جمعيا للسوؤال عني

وسبب غيابي عن المنتدي
انا لما شفت حسني هيهرب بالفلوس اتجننت

وكمان الجماعة بتوع اثيوبيه
اللي عوزين يقطعو الميه
ربك والحق انا الدم جرى فى عروقى روحت عامله تعبئه عامه وجمعت من كل حى من احياء سوهاج ميكروباص وزعقت وقولت

يا نعيش عيشه فل يا نموت احنا الكل وامنت على السلاح
( سكاكين سلك ومطاوى قرن ومقروطه ) ولسه بدور الميكروباص وهطلع ........جالى تليفون


ايوه مين لقيتو ميليس زيناوى
قولتلو انا جيبالك ناس رجوله تربيك
يا بلد ماجبتش راجل راح معيط وقالى مقصدش سوهاج يا دوشة انا اقصد المصريين وطبعا بيتكلم اثيوبى روحت انا صارخه فيه وقايلو اوعى تفكر ال حصل ايام الخديوى اسماعيل ممكن يحصل انا بس مكنتش هنا وكنت مقيله ونايمه حبه انا لو كنت على راس الجيش ال جالك برئاسه
( مـنزينجـر باشا النمـساوي) كنت اهديت بلادكم

بس رحت صاحية من النوم
وان شاء الله مش هغيب تاني
وبكرر شكري للاخ منصور للسؤال
عن صحتنا
وربنا مايوريك يوم من تخاريف البرد
هههههه

الحمدلله

انابشكر ربنا كتير قوي وهقوم اصلي ركعتين شكر لله انك بخير يا دوشتنا يا الي عامله للمشرف العام دوشه مش مخلياه يعرف يريح ساعتين في المنتدي وربنا يزيح عنك البرد وتخاريفه لاني خايف تصحي فيوم تلاقي نفسك في افغانستان مع المجاهدين وتعملينا انقلابات هناك واحنا مش ناقصين فحاولي تتعالجي من البرد احسن




حمدلله علي السلامه وربنا يشفيكي

الف سلامه على دوشه

امال هلاقى مين اكهربه
ههههههههههههههههههههههههههههه

محمود هي دوشه تستحمل كام فولت لو عايزين نعملها اعادة تاهيل علي طريقة حبيب العادلي

هههههههههههههههههههههههههههههههههه

حبيبي يا بليغ شاكر مرورك العطر

الي كل ارجاء مدينتا وعالمنا منتدي العمارنه برجوعك البراق اشكر اخي منصور علي الحس علي السؤال عنها فهي بالفعل تركت مساحه كبيره في مكانها ولم يستطع احد سد هذا العجز
ودمت ولنا جميعا بكل خير

شاكرلك اخي علي اهتمامك بافراد اسرة المنتدي

صراحه يا ابو شهاب دوشه تستاهل انه افراد اسرة المنتدى يسئلو عنها

جزاك الله خير

مبدع ما شاء الله عليك

والله انا بشكركم بجد ومبسوطه ان اعضاء المنتدي بيائلو عن الغائب



انا بعتذر لادارة المنتدى وكل الاعضاء عن غيابي المفاجئ

بسبب ظروف شخصية صعبة جدا منعتني ان أدخل المنتدى

وكمان مشكلة الدراسة اللي مدوخاني

وانا عارفه ان في ناس كتير زعلانة مني علشان ماعدتش بدخل زي

الاول


لكن أوعدكم بعودة قوية جدا

هافجر مفاجآت كتيرة اوي للاعضاء

ومرة تانية بقولكم اعذروني لغيابي الطويل

وتقطع دخولي

يا ادي الهني يا ادي النور

وانا اقول المنتدي بيتهز ليه

اتريه التفجيرات اشتغلت

حمدلله علي السلامه

وربنا ينصر الثوار الليبيين