| شوف اللي بيحصل من المواقف | |
|
|
كاتب الموضوع | رسالة |
---|
دوشه عضو فعال
بلدي : الجنس : نقاط : 5690 عدد المساهمات : 307
| موضوع: شوف اللي بيحصل من المواقف الأحد يناير 23, 2011 12:55 am | |
| امبارح حصلت لى مفاجأة خليتنى طايرة من الفرحة من السعادة
و الله يا جماعه الفرحة اللى فرحتها ما فرحتهاش من يوم ما الزمالك اخد اخر بطولة ليه
احكى لكم بقى و افرحكم
امبارح قبل العصر كده لقينا طنط منى صاحبة ماما بتتصل و تقول انها جايه لنا
طبعا مش دى المفاجأة ما طنط منى دى مشرفه عندنا كل اسبوع
عاملة كده زى حقنة التراى بى اللى امى بتاخدها كل يوم سبت
المهم علشان ما اطولش عليكم
ماما قالت لى قومى طلعى كيس فراولة من الفريزر علشان يلحق يفك على ما طنطك منى تيجى
و بافتح الفريزر علشان اطلع الكيس و الاقى لكم
و الله ما هاتصدقوا
لقيت 6 اكياس طماطم كل كيس فيه ما يقرب من 2 كيلو
اه و الله الطماطم ام 8 جنية الكيلو و عند ابو احمد الحرامى بعشرة و اتناشر كمان
اتارى الست اكياس دول كانوا مستخبيين ورا الفراولة و مش باينين اكمنهم حمر زى الفراولة
المهم انى بعد ما فوقت من الصدمة و قدرت اتوازن ما بقيتش عارفة اوصل الخبر السعيد ده لأمى ازاى
احترت يا جماعه
اقولها لها بطريقة مباشرة و لا فى الاول امهد لها و اجيب لها الخبر واحده واحده
و لا انده حد من الجيران يقول لها هو علشان لو جرى لها حاجة من الفرحة ما تبقاش نهايتها على ايدى انا و اعيش بذنبها العمر كله
المهم توكلت على الله و قولت ادخل عليها و اقول لها و اللى يحصل يحصل
بس زياده فى الاطمئنان كلمت اخويا و قلت و انت جاى من الشغل هات لنا معاك مهدأ لماما
ليه بس
خوفت اقوله على السبب لحسن من فرحته يمشى مذهول فى الشارع و تخبطه عربية لا قدر الله
قلت له لأ اصل طنط حنان جارتنا اللى فوق وقعت من البلكونة و هى بتلم الغسيل و الاسعاف جت شالتها و انا خايفه يجرى لها حاجة فماما تتصدم من الخبر
قالى و هى يعنى ماما كانت بتقبلها ما هى على طول قرفاها بغسيلها اللى بينقط علينا و كل يوم فى خناق و مشاكل
قلت له يا حبيبى ما انا خايفه على امك من الفرحة لما تعرف انها خلصت منها و الى الابد
و قومت علشان اقول لماما و انا كلى امل انها تقدر تتماسك بعد ما تسمع الخبر الجميل ده
ما هو مش معقولة خبر الطماطم يكون اصعب من يوم ما لقت كيس لحمة مستخبى فى قعر الفريزر و احنا اخر الشهر يومها الدمعة كانت هاتفر من عينها يا حبيبتى يا ماما
و لا يوم ما راحت السوق و اكتشفت ان فى بياعه بتبيع الجرجير الحزمتين بنص جنية و عليهم واحده بقدونس هدية
يومها الناس اللى رجعوها لنا البيت قالوا لى انها اغمى عليها و فوقوها 3 مرات و بعد ما قامت اصرت تشترى بكل الفلوس اللى معاها جرجير
اصله الجرجير الحزمة بقت بنص جنية وهما 10 جرجيرات مش اكتر و البقدونس شرحه و الحزمة مفيهاش غير 6 اعواد بس
المهم دخلت عليها و قلت لها ماما عندى خبر حلو و خبر وحش
قولى الحلو الاول
لأ هاقول الوحش اكياس الفراولة اللى فى الفريزر نقصوا 6 اكياس
ايه ليه راحوا فين شربتيهم يا طفسة و انتى عندك حساسية
لأ و الله
يبقى اتفزلكتى و عملتى بيهم حاجة حلوة علشان منى
هى طنط منى غريبة علشان اعملها حاجة حلوة دى صاحبة بيت
طب يا بنتى ما تعتبرينا احنا كمان اصحاب بيت و ترحمينى انا و اخوكى من اختراعاتك
يعنى هو ده وقته . هاتسيبينى اقولك الخبر الحلو و لا لأ
قولى يا وش السعد
قلت لها الاكياس طلع فيها طماطم مش فراولة
ايه ده ماما ماما مالك يا حبيبتى ماما ردى عليا اوعى يجرى لك حاجة
يجرى لى حاجة و اسيبكم تتهنوا بالطماطم لوحدكم
الحمد لله انتى كويسة
اه كويسة و راحت راقعه زغروطتين
تصدقوا يا جماعه الناس اللى جم يهنونا بعد ما سمعوا الزغاريط و شافوا فرعين النور اللى علقناهم من الفرحة اكدوا ان الاكتشاف ده اهم من اكتشافهم ان صلاح عبد الله هو اللى دبر الحادثة بتاعة نور الشريف فى مسلسل الدالى
انا كنت هانزل الموضوع ده امبارح بس من ساعة ما الخبر اتعرف و انا مش ملاحقه على التليفونات
العاشرة مساء و القاهرة اليوم و مصر النهاردة و الحياة اليوم و 90 دقيقة كلهم بيتسابقوا علشان يعملوا معايا حوار
ده غير مدحت شلبى من امبارح و هو قارفنى عايزنى اطلع معاه فى مساء الانوار بيقول هايجيبنى و يكنسل لقاء مرتضى منصور
ده حتى استاذ ابراهيم حجازى اكد لى انه على استعداد يلغى الحلقة اللى عاملها علشان حرب اكتوبر يوم الاربعاء و يعمل معايا حاقة خاصة بالمناسبة دى
بس انا بصراحه ما وافقتش
اصلهم مصرين اجيب معايا الاكياس علشان يتصوروا معاهم و انا بينى و بينكم كده خايفه عليهم من الحسد
على فكرة الخبر هاتلاقوه نازل فى المصرى اليوم بس للأسف مش لاقية اللينك
الصحفى بيقول ان الاكتشاف ده اعظم اكتشاف حصل من بعد اكتشاف مقبرة توت عنخ امون و ان ده يعتبر اهم حدث فى 2010
و فيه كوادر تعليمية رفيعة المستوى طالبت بانه ينزل فى كتب التاريخ ابتداء من الطبعه الجديدة ان شاء الله
اخر حاجة احب اقولها لكم اننا اخيرا هانعمل محشى و عقبال عندكم كلكم يا حبايب
عدل سابقا من قبل دوشه في الأحد يناير 23, 2011 1:26 am عدل 1 مرات |
|
| |
جبران الخاطر عضو نشط
بلدي : الجنس : نقاط : 5364 عدد المساهمات : 161
| موضوع: رد: شوف اللي بيحصل من المواقف الأحد يناير 23, 2011 1:01 am | |
| علي اساس ان الطماطم اغلي من الفروله طبعا دي تبقي مفاجئه
بس احنا هنا عندنا الطماطم 3 جنيه
عدل سابقا من قبل جبران الخاطر في الأحد يناير 23, 2011 1:02 am عدل 1 مرات |
|
| |
دوشه عضو فعال
بلدي : الجنس : نقاط : 5690 عدد المساهمات : 307
| موضوع: رد: شوف اللي بيحصل من المواقف الأحد يناير 23, 2011 1:02 am | |
| يا جماعة ما انا كاتبة فى وصف الموضوع انه كان ايام ازمة الطماطم الله لا يرجعها ايام
و كل سنة و انتم طيبين |
|
| |
جبران الخاطر عضو نشط
بلدي : الجنس : نقاط : 5364 عدد المساهمات : 161
| موضوع: رد: شوف اللي بيحصل من المواقف الأحد يناير 23, 2011 1:03 am | |
| يا جماعه احنا عندنا قفص الطماطم كله على بعضه بيعمل 23 جنيه فيه اكتر من 27 كيلو |
|
| |
دوشه عضو فعال
بلدي : الجنس : نقاط : 5690 عدد المساهمات : 307
| موضوع: رد: شوف اللي بيحصل من المواقف الأحد يناير 23, 2011 1:04 am | |
| يا سلام يعنى كيلو الطماطم واقف بـ ... يا لهوى 85 قرش طب ما تورد لى و انا على استعداد افرش بيه تحت البيت عندنا و يا بخت من نفع و استنفع يا جدو |
|
| |
جبران الخاطر عضو نشط
بلدي : الجنس : نقاط : 5364 عدد المساهمات : 161
| موضوع: رد: شوف اللي بيحصل من المواقف الأحد يناير 23, 2011 1:05 am | |
| هاتي عربيه نقل وانا اعبيهالك يا دوشه انتي تامري يالا خلينا ناكل لقمه عيش حلوه |
|
| |
دوشه عضو فعال
بلدي : الجنس : نقاط : 5690 عدد المساهمات : 307
| موضوع: رد: شوف اللي بيحصل من المواقف الأحد يناير 23, 2011 1:06 am | |
| و انا على استعداد
ابعت لى بس حضرتك العنوان و هاتلاقى العربية واقفه تحت البيت فى خلال ساعه من الان
شكلها هاتعلب يا دوشة |
|
| |
بلطيه عضو نشط
بلدي : الجنس : نقاط : 5514 عدد المساهمات : 160
| موضوع: رد: شوف اللي بيحصل من المواقف الأحد يناير 23, 2011 1:07 am | |
| اية دة لا حول ولا قوة الا بالله احنا الطماطم النضيفة عندنا ب4 جنية هو الموضوع دة قديم ورجع تانى 0
|
|
| |
دوشه عضو فعال
بلدي : الجنس : نقاط : 5690 عدد المساهمات : 307
| موضوع: رد: شوف اللي بيحصل من المواقف الأحد يناير 23, 2011 1:08 am | |
| كان من ايام الازمة يا بلطيه
بس قلت ننزله تانى
لازم نشغل القهوة بعد الاعصار اللى حصل
كل سنة و انتى طيبة يا قمر
و على فكرة احنا احلى طماطم عندنا بـ 3.5 بس
ابعت لك 2 كيلو
عدل سابقا من قبل دوشه في الأحد يناير 23, 2011 1:10 am عدل 1 مرات |
|
| |
بلطيه عضو نشط
بلدي : الجنس : نقاط : 5514 عدد المساهمات : 160
| موضوع: رد: شوف اللي بيحصل من المواقف الأحد يناير 23, 2011 1:09 am | |
| انا اسفة يا دوشة العتب على النظر بس انا قلبى كان خايف لتكون الطماطم هتغلى تانى 0
|
|
| |
دوشه عضو فعال
بلدي : الجنس : نقاط : 5690 عدد المساهمات : 307
| موضوع: رد: شوف اللي بيحصل من المواقف الأحد يناير 23, 2011 1:11 am | |
| لا يا حبيبتى
تفى من بقك بس فى منديل علشان التلوث البيئى ههههههه
ان شاء الله مش هاتغلى
دى كانت ايام فحلقى داهية لا ترجعها تانى
و سلامة نظرك و كل سنة و انتى طيبة يا قمر
|
|
| |
فارس بلا جواد عضو مميز
بلدي : الجنس : نقاط : 7148 عدد المساهمات : 521
| موضوع: رد: شوف اللي بيحصل من المواقف الأحد يناير 23, 2011 1:15 am | |
| تسلمى يا دوشة انا اشتريت النهاردة من هايبر جيان فى الكويت كيلو طماطم اردنى الكيلو بس ورخيص ب750فلس يعنى حوالى 15جنية دا انتم فى عز تسلمى على الحدوتة المفروض انك تتصورى |
|
| |
دوشه عضو فعال
بلدي : الجنس : نقاط : 5690 عدد المساهمات : 307
| موضوع: رد: شوف اللي بيحصل من المواقف الأحد يناير 23, 2011 1:18 am | |
| اتصورت يا اخويا و انا ماسكاهم
و لما ترجع مصر ابقى روح المتحف هاتلاقى الصورة هناك هاتعجبك اوى
بس موضوع الطماطم ان 15 جنية ده جد يا فارس
يا حومتى
الله يكون فى عونك يا ابنى
انا لو منك ارجع بقى اهو كيلو الطماطم بقى ب 2 جنية بس
صحيح اللحمة وصلت ل 65 و فى مناطق 70 و الضانى بقت ب 75
بس مش مشكلة المهم الطماطم
مش كده و لا ايه
|
|
| |
ورد عضو جديد
بلدي : نقاط : 5231 عدد المساهمات : 87
| موضوع: رد: شوف اللي بيحصل من المواقف الأحد يناير 23, 2011 1:22 am | |
| هههههههههههه فكرتينى يا دوشة فى ايام الازمة لما فتحت درج التلاجة لقيت فيه 6 طماطمتات وعملت فرح وقولت لماما ماما ماما فى طماطم من الحمرا المدورة دى اللى فيها عنقود اخضر اللى بتزرع دى ياااااااااااااااااااااه كان يوم وبرده مرة صاحبتى كلمتنى على الموبايل مخصوص عشان تقولى ان عندهم طماطم فى البيت
يالا عادت الطماطمية لسعرها القديم وعقبال جنونتها الجاية |
|
| |
غاده عضو جديد
نقاط : 5298 عدد المساهمات : 76
| موضوع: رد: شوف اللي بيحصل من المواقف الأحد يناير 23, 2011 1:25 am | |
| العاشرة مساء و القاهرة اليوم و مصر النهاردة و الحياة اليوم و 90 دقيقة كلهم بيتسابقوا علشان يعملوا معايا حوار
الحوار دا كان هايبقى فى التلفزيون دوشه واكياس الطماطم وطبعا كان فى مقدمات للبرنامج خوفا على ارواح المواطنين
ده غير مدحت شلبى من امبارح و هو قارفنى عايزنى اطلع معاه فى مساء الانوار بيقول هايجيبنى و يكنسل لقاء مرتضى منصور
عدل سابقا من قبل غاده في الأحد يناير 23, 2011 1:32 am عدل 1 مرات |
|
| |
دوشه عضو فعال
بلدي : الجنس : نقاط : 5690 عدد المساهمات : 307
| موضوع: رد: شوف اللي بيحصل من المواقف الأحد يناير 23, 2011 1:29 am | |
| كان مرتضى هايرفع عليكوا قضيه وهايكسبها وهاياخد اكياس الطماطم
ههههههههههههههه |
|
| |
الحوامدي عضو فعال
بلدي : الجنس : نقاط : 6582 عدد المساهمات : 353
| موضوع: رد: شوف اللي بيحصل من المواقف الأحد يناير 23, 2011 1:35 am | |
| والله نورتو المنتدي يا جماعه هي روح الحوار دي
اسعد الله اوقاتكم |
|
| |
أبو مهاب مشرف قسم
بلدي : الجنس : نقاط : 6572 عدد المساهمات : 1050 العمر : 44 العمل/الترفيه : مراقب مالي
| موضوع: رد: شوف اللي بيحصل من المواقف الأحد يناير 23, 2011 11:48 am | |
| تسلم إيديكي أختى على الموضوع |
|
| |
دوشه عضو فعال
بلدي : الجنس : نقاط : 5690 عدد المساهمات : 307
| موضوع: رد: شوف اللي بيحصل من المواقف الأربعاء يناير 26, 2011 2:45 am | |
| اقدر مروركم لكم جزيل الشكر |
|
| |
ابن النيل جماعة الادارة
بلدي : الجنس : نقاط : 11340 عدد المساهمات : 2272 العمل/الترفيه : في خدمة الجميع
| موضوع: رد: شوف اللي بيحصل من المواقف الخميس يناير 27, 2011 11:49 pm | |
| مواضيعك والله اختي دوشه
جميله جدا انت فعلا
مكسب للمنتدي
بارك الله فيكي |
|
| |
دوشه عضو فعال
بلدي : الجنس : نقاط : 5690 عدد المساهمات : 307
| موضوع: رد: شوف اللي بيحصل من المواقف السبت يناير 29, 2011 7:47 pm | |
| شكرا يا مدير دي شهاده اعتز بها |
|
| |
فارس بلا جواد عضو مميز
بلدي : الجنس : نقاط : 7148 عدد المساهمات : 521
| موضوع: رد: شوف اللي بيحصل من المواقف الخميس فبراير 10, 2011 10:44 pm | |
|
فعلا تستحقين التقدير
تقبلي مروري
|
|
| |
ابو عبد العزيز عضو جديد
بلدي : الجنس : نقاط : 5050 عدد المساهمات : 34
| موضوع: رد: شوف اللي بيحصل من المواقف الجمعة فبراير 11, 2011 2:05 am | |
| بسم الله الرحمن الرحيم أنا مصري ولى الفخر,,,لى الفخر بأن هؤلاء الشباب هم أخوتى من بلدى ان مصر فيها من الشجعان ما يجعلنا أن نرفع رأسنا ... أعترف بأن ثقتى كانت مهزوزة بهؤلاء الشباب لكنهم أثبتوا لأنفسهم وللعالم كله بأنهم أبطال ,,,, أحفاد من بنوا الأهرامات ,,,, وأبناء من عبروا بمصر لبر الأمان يقول من يقول,,,ويشكك من يشكك لكن هؤلاء الذين يشككون هم على ثقة وعلى قدر كافى بقوة هؤلاء الشباب الذين هزوا العالم أجمع أنا مصري وفخوربكم ,,,أخوتى وأخواتى ليتنى كنت فى صفوفكم أنصرنا يا رب فالنصر لنا ان شاء الله من ابو عبد العزيز من الفخر بان اكون مصرى دائما |
|
| |
ابو عبد العزيز عضو جديد
بلدي : الجنس : نقاط : 5050 عدد المساهمات : 34
| موضوع: رد: شوف اللي بيحصل من المواقف الجمعة فبراير 11, 2011 2:09 am | |
| ان اشكر المدير العام على تقبلى عضوآ جديد فى المنتدي |
|
| |
ابو عبد العزيز عضو جديد
بلدي : الجنس : نقاط : 5050 عدد المساهمات : 34
| موضوع: رد: شوف اللي بيحصل من المواقف الجمعة فبراير 11, 2011 2:22 am | |
| مرة واحد خد زوجتة حديقة الحيوانات و صورها جنب قفص القرود
و علق الصورة فى الصالون و كتب تحت الصورة
هذه صورة زوجتى مع القرود
ملحوظه زوجتى الثالثه على اليمين :lol: |
|
| |
| شوف اللي بيحصل من المواقف | |
|